НАДВОР'Е
На ўсходзе краіны сонечна, на астатняй тэрыторыі – хмарна. Цяплей за ўсё ў Берасьці: мінус 14–15, халадней – у Віцебску і Магілёве: –19–20, у Менску: –16–17.
У БЕЛАРУСІ І СЬВЕЦЕ:
Менск, у офісе Партыі БНФ (Чарнышэўскага, 3) пройдзе пасяджэньне каардынацыйнай групы «За волю» (вызваленьне беларускіх палітвязьняў). Пачатак а 16 гадзіне.
Брусэль, пленарнае пасяджэньне Эўрапейскага парлямэнту.
* * *
У вечаровым эфіры Свабоды – зваротная сувязь: перадача «Званочкі», у якой Ян Максімюк камэнтуе тэлефанаваньні нашых слухачоў, і «Паштовая скрынка 111», дзе лісты слухачоў чытае і камэнтуе Валянцін Жданко.
* * *
Паважаныя наведнікі сайту! Дапамажыце больш поўна прадставіць беларускі дзень – дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫ ДЗЕНЬ:
1411 – у Торуні падпісаны мір паміж Каралеўствам Польскім і Вялікім княствам Літоўскім з аднаго боку і Тэўтонскім ордэнам з другога. Завершаная «Вялікая вайна».
1563 – пачалася двухтыднёвая аблога Полацка маскоўскім войскам Івана ІV Жахлівага.
1717 – «Нямы сойм» у Рэчы Паспалітай абмежаваў уладу караля, пашырыў правы шляхты і фактычна пагадзіўся на пратэктарат Расеі над Рэччу Паспалітай.
1863 – Літоўскі правінцыйны камітэт абвясьціў сябе Часовым правінцыйным урадам Літвы і Беларусі.
1921 – спыніла дзейнасьць Вайскова-дыпляматычная місія БНР у Латвіі і Эстоніі, яе ўзначальваў Канстанцін Езавітаў.
Нарадзіліся:
1811 – Рамуальд Зянкевіч, беларускі этнограф, пэдагог.
1913 – Сяргей Прытыцкі, беларускі савецкі палітычны дзяяч.
Памерлі:
1733 – Аўгуст Моцны, кароль польскі і вялікі князь літоўскі.
1991 – Станіслаў Шушкевіч, паэт, празаік, вязень савецкіх канцлягераў, бацька першага кіраўніка Рэспублікі Беларусь Станіслава Шушкевіча.
ЦЫТАТА НА ПАМЯЦЬ:
Рабі нечаканае, рабі, як не бывае, рабі, як ня робіць ніхто – і тады пераможаш.
Уладзімер Караткевіч
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
Калінкіну зноў дапытвалі ў КДБ
Качынскі: Сікорскі прайграў Беларусь
Час ударыць Лукашэнку ў балючае месца