Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

УВЕСЬ...

...дзень будзе пахмурна і ветрана. Тэмпэратура: мінус 15 – 11.

У БЕЛАРУСІ І СЬВЕЦЕ:

У офісе кампаніі «За свабоду» (пр. Незалежнасьці, 80, 73) пройдзе прэс-канфэрэнцыя лідэраў «кааліцыі шасьці» на тэму адзінага пляну ўдзелу ў парлямэнцкіх выбарах. Пачатак а 11.00.

Рада Бясьпекі ААН у Нью-Ёрку абмяркоўвае плян Лігі арабскіх дзяржаваў дзеля ўрэгуляваньня канфлікту ў Сырыі.

* * *

У вечаровым эфіры Радыё Свабода слухайце, сярод іншага, перадачу «Гамбурскі рахунак Бахарэвіча» (гэтым разам аўтар прадставіць эсэ пра Ўладзімера Жылку) ды справаздачу з падарожжа Віталя Сямашкі ў вайсковы пасёлак «Крупкі-2».

* * *

Паважаныя наведнікі сайту! Дапамажыце больш поўна прадставіць беларускі дзень – дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫ ДЗЕНЬ:

Нарадзіліся:

1892 – беларускі паэт Алесь Гурло.

1929 – беларускі гісторык Анатоль Грыцкевіч.

1975 – беларускі пісьменьнік Альгерд Бахарэвіч.

Памерлі:

1930 – Бэнэдыкт Дыбоўскі, заоляг, прыродазнаўца, лекар, публіцыст, удзельнік паўстаньня 1863–1864 гг.

2005 – Кастусь Рамановіч, удзельнік падпольнага Саюзу Вызваленьня Беларусі ў Наваградку, вязень савецкіх канцлягераў.

ЦЫТАТА НА ПАМЯЦЬ:

Культура курцоў (не абавязкова курцоў у літаральным сэнсе) – культура індывідуальнай свабоды, культура інтэлектуальнага пратэсту, культура, пабудаваная на рэлятывізьме, на каштоўнасьці сумненьня, на прызнаньні сьвятасьці вольнага выбару, культура анархічная і вельмі гуманістычная ўжо некалькі дзесяцігодзьдзяў супрацьстаіць культуры Здаровенькіх — культуры дэспатычнай, штучнай, культуры, якая функцыянуе дзеля дзяржавы і ў сымбіёзе зь ёй, культуры, заснаванай на штампах і догмах, культуры ідэалістычнай і псэўдагуманістычнай, падтрыманай цэлай ардою мас-мэдыяў, культуры ваяўнічай і да агіды рацыянальнай. Курэц у шырокім сэнсе — апошні чалавек на Зямлі.
Альгерд Бахарэвіч

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

Натальля Радзіна: «У любы момант нас могуць зноў арыштаваць»

Для апазыцыі – турмы, для чэкістаў – прэміі

Эўразьвяз устрымаўся ад эканамічных санкцый супраць Менску

ЗША пашырылі санкцыі супраць Беларусі
XS
SM
MD
LG