Сёньня парлямэнт Ірану адклаў заплянаванае галасаваньне аб згаданым эмбарга, накіраваўшы законапраект на дапрацоўку.
Пагроза неадкладна спыніць пастаўкі паліва ў Эўропу стала рэакцыяй Тэгерану на новыя санкцыі ЭЗ, якія прадугледжваюць спыненьне імпарту іранскай нафты ад 1 ліпеня, а таксама замарожванье эўрапейскіх актываў Цэнтрабанку Ірану.
Таксама ў нядзелю ў Іран прыбылі інспэктары Міжнароднага агенцтва па атамнай энэргіі (МАГАТЭ).
Сёньня ж іранскія СМІ паведамілі, што Вярхоўны суд Ірану пацьвердзіў сьмяротны вырак канадзкаму інтэрнэт-праграмісту зь іранскім грамадзянствам, які быў арыштаваны ў 2008 годзе, калі прыехаў у Іран з Канады, каб наведаць свайго бацьку, што знаходзіўся пры сьмерці. Праграміста Саіда Малікпура вінавацяць у шырэньні парнаграфіі. Сам ён сьцьвярджае, што ня ведаў аб тым, што некаторыя парнаграфічныя сайты карыстаюцца ягонымі распрацоўкамі.
