Лінкі ўнівэрсальнага доступу

Маці Ўладзіслава Кавалёва выступіла ў ПАРЭ


Любоў Кавалёва

Любоў Кавалёва

Сёньня Любоў Кавалёва, маці Ўладзіслава Кавалёва, аднаго з прысуджаных да сьмяротнага пакараньня ў справе аб выбуху ў менскім мэтро ў красавіку 2011 году, выступіла ў Парлямэнцкай асамблеі Рады Эўропы.

Любоў Кавалёва зрабіла сваю заяву на пасяджэньні Камітэту па палітычных пытаньнях і дэмакратыі, а таксама на пасяджэньні Камітэту па прававых пытаньнях і правах чалавека ПАРЭ.

«З красавіка я жыву ў страшным кашмары, які толькі можа быць у маці: ня толькі таму, што майго сына паслалі на сьмяротнае пакараньне, а таму, што ні Дзьмітры, ні мой сын не зрабілі нічога з таго, у чым іх абвінавацілі» – сказала ў сваёй заяве Любоў Кавалёва паводле каардынатара кампаніі ў правах чалавека Change.org Дзьмітрыя Савелава.

«Сёньня ў Беларусі ніхто не абаронены ад несправядлівага прысуду» – заявіла ў Страсбуры Любоў Кавалёва.

Мэта візыту Любові Кавалёвай у Брусэль і Страсбур – праінфармаваць парлямэнтараў Рады Эўропы і Эўрапейскага парлямэнту аб сытуацыі зь яе сынам і Дзьмітрыем Канавалавым.
XS
SM
MD
LG