Лінкі ўнівэрсальнага доступу

logo-print

Бліц-агляд падзеяў і тэмаў у Беларусі, сьвеце, гісторыі.

НАДВОР'Е:

У Беларусі чакаецца сьнег, тэмпэратура да мінус 5 градусаў.

НЕ ПРАПУСЬЦІЦЕ:

Прэс-канфэрэнцыя старшыні Таварыства аховы помнікаў Антона Астаповіча і яго калегаў пра выкананьне заканадаўства ў справе аховы гісторыка-культурнай спадчыны ў цэнтры Менску (вул. Мясьнікова, 25), пачатак у 13.00.

У Цэнтры прававой трансфармацыі (Менск, вул. Новавіленская, 38-10) – брыфінг, прысьвечаны сытуацыі зь няўрадавымі арганізацыямі ў Беларусі. Пачатак у 11.30.

У вечаровым эфіры «Свабоды» – запіс тэлеперадачы, якая выходзіць у тэлевізійны эфір на канале «Белсат». Дэма дыскусіі – што такое беларуская салідарнасьць, чаму агульнасьць інтарэсаў не вядзе да сумесных дзеяньняў? У гутарцы бяруць удзел Ганна Соўсь, Сяргей Дубавец і Ян Максімюк. Вядзе перадачу Аляксандар Лукашук.

* * *

Дапамажыце больш поўна прадставіць беларускі дзень – прышліце інфармацыю пра плянаваныя падзеі, якія ўяўляюць цікавасьць для нашых чытачоў, на адрас svaboda@rferl.org.

ГЭТЫ ДЗЕНЬ У ГІСТОРЫІ:

1571 – у Лёндане адчынена каралеўская біржа.

1793 – адбыўся другі падзел Рэчы Паспалітай.

2005 – Віктар Юшчанка прыняў прысягу прэзыдэнта Ўкраіны.

У гэты дзень нарадзіліся:

1832 – Эдуард Манэ, францускі мастак-імпрэсіяніст.

1947 – Джоэль Дуґлас, амэрыканскі кінапрадусар беларускага паходжаньня.

У гэты дзень памерлі:

1889 – Ігнат Дамейка, беларускі навуковец-дасьледчык, геоляг, нацыянальны герой Чылі.

1938 – Вацлаў Ластоўскі, беларускі пісьменьнік, гісторык, літаратуразнавец, публіцыст і палітычны дзяяч.

1981 – Вера Маслоўская, беларуская грамадзка-палітычная і культурная дзеячка, паэтэса (нар. 24.3.1896).

ЦЫТАТА НА ПАМЯЦЬ:

У істоце кожнага страху ляжыць наша няведаньне, наша цемната.
Якуб Колас

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

«Вы перамаглі... Я вас ненавіджу»

Пафала: «Выбары 19 сьнежня ў Беларусі ёсьць эўрапейскай трагедыяй»

Каго не ламае турма
XS
SM
MD
LG