Гэты візыт трапіў у мэдыі ў сувязі з тым, што адвакат Вільям Бурдон 19 студзеня падаў у францускі суд пазоў да міністра Куляшова. Адвакат лічыць, што француская паліцыя павінна неадкладна яго арыштаваць. Ці ўдасца Куляшову пазьбегнуць арышту?
Прадстаўнік амбасады Францыі ў Менску патлумачыў карэспандэнту «Свабоды», што амбасада ня можа камэнтаваць, як будуць дзейнічаць францускія ўлады ў сувязі з пазовам. Ніякіх дэпэш ён ня бачыў.
Дыплямат сказаў, што пра пазоў да Куляшова яму вядома з мэдыяў. На ягоны погляд, галоўнае, што Францыя, дзе месьціцца штаб-кватэра Інтэрпола, не магла ня выдаць візы міністру Куляшову і перашкаджаць прыезду прадстаўніка гэтай арганізацыі. І тут у Францыі «не было выбару, як паступаць», яна выканала свае міжнародныя абавязаньні. Таму ажыятаж вакол візыту Куляшова выкліканы тым, што людзі могуць гэтага ня ведаць. Францускі дыплямат параўнаў сытуацыю з той, калі ЗША выдалі візу прэзыдэнту Ірану, каб той наведаў штаб-кватэру ААН у Нью-Ёрку. Паводле дыплямата, міністар Куляшоў таксама мае дыпляматычны пашпарт. Разам з тым Куляшоў ня меў ніякіх кантактаў з афіцыйнымі асобамі Францыі.
Адвакат Вільям Бурдон лічыць, што сьледчыя абавязаныя высьветліць ступень удзелу міністра Анатоля Куляшова ў здушэньні выступленьняў апазыцыі ў сьнежні 2010 году і катаваньні арыштаваных. Ягоны пазоў, накіраваны ў францускі суд, тычыцца таксама кіраўніка Беларусі Аляксандра Лукашэнкі. Кіраўнік Свабоднага тэатру Мікалай Халезін, які мае дачыненьне да кампаніі Free Belarus Now патлумачыў:
«Адвакат дзейнічае паводле сыгналу кампаніі „Free Belarus Now“, каардынатар якой — Ірына Багданава, сястра Андрэя Саньнікава, і пры садзейнічаньні нашых адвакатаў McCue & Partners LLP. Яму прадстаўлены кейс, сабраны па Лукашэнку і яго набліжаных. На падставе гэтага кейсу французы мелі права яго арыштаваць. Але адмовіліся гэта рабіць з прычыны таго, што ў яго дыппашпарт і ён прыехаў на запрашэньне міжнароднай структуры. Нібыта Францыя ня мае да гэтага дачыненьня, бо офіс міжнароднай структуры знаходзіцца ў Францыі. Па гэтай справе тут не згуляла, але яно згуляе зь некім».
Прэсавы сакратар МЗС Беларусі Андрэй Савіных на просьбу карэспандэнта «Свабоды» пракамэнтаваць сытуацыю вакол міністра ўнутраных спраў Анатоля Куляшова, якога сустрэў у Францыі пазоў, заявіў:
«Вы мне даруйце, але гэта ўсё даволі сумнеўная інфармацыя. І ніякай сытуацыі вакол Куляшова мы ня бачым».
Начальнік управы інфармацыі і грамадзкіх сувязяў МУС Канстанцін Шалькевіч паведаміў, што міністар Анатоль Куляшоў сёньня ўвечары вяртаецца ў Беларусь, але сустрэцца зь ім у аэрапорце журналісты ня змогуць. Ён дадаў, што на 18 гадзіну менскага часу міністар яшчэ ня будзе ў Менску. Таксама Шалькевіч нічога не паведаміў пра сёньняшнюю праграму міністра, бо яна зацьвярджаецца сакратарыятам Інтэрполу і любое яе разгалошваньне можна рабіць толькі са згоды гэтай арганізацыі.
«Міністар сёньня прыляціць у Менск. Камэнтаваць тое, што напісана ў інтэрнэце, нейкага адваката францускага, МУС ня будзе».
Палітычны ўцякач Натальля Радзіна, якая цяпер знаходзіцца ў Літве, адзначыла, што падача пазову на міністра Куляшова ў францускі суд — гэта правільны крок і беспрэцэдэнтны выпадак.
«Нават калі на гэты раз ня ўдасца арыштаваць Куляшова, то тое, што адбылося — гэта сьведчыць пра тое, што беларускія чыноўнікі сёньня, хаўрусьнікі Лукашэнкі, якія бяруць удзел у рэпрэсіях, — гэта міжнародныя злачынцы. Пытаньне ў тым, што трэба шукаць мэханізмы, каб яны панесьлі пакараньне за тое, што робяць. Але тое, што яны цяпер будуць асьцерагацца езьдзіць па сьвеце, і тое, што яны цяпер зьяўляюцца міжнароднымі злачынцамі, гэта факт».
Прадстаўнік амбасады Францыі ў Менску патлумачыў карэспандэнту «Свабоды», што амбасада ня можа камэнтаваць, як будуць дзейнічаць францускія ўлады ў сувязі з пазовам. Ніякіх дэпэш ён ня бачыў.
Дыплямат сказаў, што пра пазоў да Куляшова яму вядома з мэдыяў. На ягоны погляд, галоўнае, што Францыя, дзе месьціцца штаб-кватэра Інтэрпола, не магла ня выдаць візы міністру Куляшову і перашкаджаць прыезду прадстаўніка гэтай арганізацыі. І тут у Францыі «не было выбару, як паступаць», яна выканала свае міжнародныя абавязаньні. Таму ажыятаж вакол візыту Куляшова выкліканы тым, што людзі могуць гэтага ня ведаць. Францускі дыплямат параўнаў сытуацыю з той, калі ЗША выдалі візу прэзыдэнту Ірану, каб той наведаў штаб-кватэру ААН у Нью-Ёрку. Паводле дыплямата, міністар Куляшоў таксама мае дыпляматычны пашпарт. Разам з тым Куляшоў ня меў ніякіх кантактаў з афіцыйнымі асобамі Францыі.
Адвакат Вільям Бурдон лічыць, што сьледчыя абавязаныя высьветліць ступень удзелу міністра Анатоля Куляшова ў здушэньні выступленьняў апазыцыі ў сьнежні 2010 году і катаваньні арыштаваных. Ягоны пазоў, накіраваны ў францускі суд, тычыцца таксама кіраўніка Беларусі Аляксандра Лукашэнкі. Кіраўнік Свабоднага тэатру Мікалай Халезін, які мае дачыненьне да кампаніі Free Belarus Now патлумачыў:
«Адвакат дзейнічае паводле сыгналу кампаніі „Free Belarus Now“, каардынатар якой — Ірына Багданава, сястра Андрэя Саньнікава, і пры садзейнічаньні нашых адвакатаў McCue & Partners LLP. Яму прадстаўлены кейс, сабраны па Лукашэнку і яго набліжаных. На падставе гэтага кейсу французы мелі права яго арыштаваць. Але адмовіліся гэта рабіць з прычыны таго, што ў яго дыппашпарт і ён прыехаў на запрашэньне міжнароднай структуры. Нібыта Францыя ня мае да гэтага дачыненьня, бо офіс міжнароднай структуры знаходзіцца ў Францыі. Па гэтай справе тут не згуляла, але яно згуляе зь некім».
Прэсавы сакратар МЗС Беларусі Андрэй Савіных на просьбу карэспандэнта «Свабоды» пракамэнтаваць сытуацыю вакол міністра ўнутраных спраў Анатоля Куляшова, якога сустрэў у Францыі пазоў, заявіў:
«Вы мне даруйце, але гэта ўсё даволі сумнеўная інфармацыя. І ніякай сытуацыі вакол Куляшова мы ня бачым».
Начальнік управы інфармацыі і грамадзкіх сувязяў МУС Канстанцін Шалькевіч паведаміў, што міністар Анатоль Куляшоў сёньня ўвечары вяртаецца ў Беларусь, але сустрэцца зь ім у аэрапорце журналісты ня змогуць. Ён дадаў, што на 18 гадзіну менскага часу міністар яшчэ ня будзе ў Менску. Таксама Шалькевіч нічога не паведаміў пра сёньняшнюю праграму міністра, бо яна зацьвярджаецца сакратарыятам Інтэрполу і любое яе разгалошваньне можна рабіць толькі са згоды гэтай арганізацыі.
«Міністар сёньня прыляціць у Менск. Камэнтаваць тое, што напісана ў інтэрнэце, нейкага адваката францускага, МУС ня будзе».
Палітычны ўцякач Натальля Радзіна, якая цяпер знаходзіцца ў Літве, адзначыла, што падача пазову на міністра Куляшова ў францускі суд — гэта правільны крок і беспрэцэдэнтны выпадак.
«Нават калі на гэты раз ня ўдасца арыштаваць Куляшова, то тое, што адбылося — гэта сьведчыць пра тое, што беларускія чыноўнікі сёньня, хаўрусьнікі Лукашэнкі, якія бяруць удзел у рэпрэсіях, — гэта міжнародныя злачынцы. Пытаньне ў тым, што трэба шукаць мэханізмы, каб яны панесьлі пакараньне за тое, што робяць. Але тое, што яны цяпер будуць асьцерагацца езьдзіць па сьвеце, і тое, што яны цяпер зьяўляюцца міжнароднымі злачынцамі, гэта факт».