СЬНЕГАПАД...
...і парывісты вецер зь пераменных кірункаў. Тэмпэратура: мінус 2 – 0.
У БЕЛАРУСІ:
У офісе Аб’яднанай грамадзянскай партыі (вул. В.Харужай, 22, 1701) аргкамітэт дзеля ўвекавечаньня памяці ахвяраў палітычных рэпрэсій абмяркуе праграму Году памяці ахвяр сталінскага тэрору. Пачатак у 17.00.
У кнігарні «ЛогвінаЎ» на пр. Незалежнасьці 37А прэзэнтацыя кнігі Сяргея Харэўскага «Сто твораў XX стагодзьдзя». Пачатак а 19.00.
У арт-кафэ «Rubin Plaza» (пр. Дзяржынскага, 5) прэзэнтацыя часопіса беларускай прозы «Макулятура». Пачатак а 19.00.
***
Паважаныя наведнікі сайту! Дапамажыце больш поўна прадставіць беларускі дзень – дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫ ДЗЕНЬ:
1960 – у БССР ліквідаваная Маладзечанская вобласьць.
1992 – Беларусь устанавіла дыпляматычныя дачыненьні з Кітайскай Народнай Рэспублікай.
У гэты дзень нарадзіліся:
1891 – Фабіян Ярэміч, беларускі грамадзка-палітычны дзяяч.
1892 – беларускі мовазнавец і палітычны дзяяч Браніслаў Тарашкевіч.
1892 – зьбіральнік і прапагандыст беларускай народнай песьні Рыгор Шырма.
1907 – беларускі філёзаф Iван Лушчыцкi.
1913 – Ларыса Алексютовіч, танцорка, балетмайстар, заслужаная дзяячка мастацтваў Беларусi.
У гэты дзень памерлі:
1955 – Лукаш Дзекуць-Малей, беларускі рэлігійны й грамадзкі дзяяч.
1962 – амэрыканскі паэт Робінсан Джэфэрс.
ЦЫТАТА НА ПАМЯЦЬ:
Калі Бог зрабіў вам ласку даць вам паэта,
Дык слухайце, што ён кажа. Але, дзеля Хрыста, пакіньце яго ў спакоі
да самае сьмерці; ня трэба прэміяў ані цырымоніяў,
Яны сьмяротныя для чалавека. Паэт – гэта той, хто слухае
Прыроду і ўласнае сэрца.
Робінсан Джэфэрс (пераклад Максіма Шчура)
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
Нэрвовая рэакцыя МЗС Беларусі на польскія санкцыі
Эўрапарлямэнт заклікае правесьці ў Беларусі новыя выбары
Мясьніковіч рыхтуецца запусьціць у космас «Белку-2»