Лінкі ўнівэрсальнага доступу

Берасьцейскага актывіста АГП, інжынэра-праграміста Сяргея Вельгаса будуць судзіць у Ленінскім райсудзе за адмову прайсьці дактыляскапію.

Пра гэта «Свабодзе» паведаміў старшыня гарадзкой арганізацыі АГП Аляксандар Міхайлоўскі. Ён апавёў, што Сяргей Вельгас адмовіўся здаваць адбіткі пальцаў і на яго склалі пратакол за непадпарадкаваньне супрацоўнікам міліцыі:

«Сяргей Вельгас лічыць зьнявагаю для сябе праходзіць гэтую працэдуру. Ён вельмі адукаваны чалавек, інжынэр-праграміст, мае навуковую ступень. Таму, калі міліцыянт Іваноў змушаў яго здаць адбіткі пальцаў, Сяргей адмовіўся, бо ня лічыць сябе якімсьці злачынцам. Ужо пасьля міліцыянты склалі на яго пратакол, што ён нібыта ім не падпарадкоўваўся», — кажа Аляксандар Міхайлоўскі.

Паказаць камэнтары

XS
SM
MD
LG