Аляксей Паўлоўскі – муляр з трыццацігадовым стажам. Яму 52 гады. У незалежным прафсаюзным руху ад пачатку 1990-х гадоў. Цяпер ён сябра незалежнага прафсаюзу радыёэлектроннай прамысловасьці і іншых галін народнай гаспадаркі. У акцыянэрным таварыстве «Прамжылбуд», зь якога звальняюць, працуе няпоўны год. У Аляксея Паўлоўскага пяцёра дзяцей. Старэйшага сына, таксама Аляксея, у сьнежні 2010 году адлічылі з асьпірантуры інстытуту фізіялёгіі Нацыянальнай акадэміі навук.