Пякарскі стаў другім па ліку намесьнікам міністра ўнутраных спраў, звольненым з такой фармулёўкай за апошнія некалькі месяцаў. У канцы сьнежня быў звольнены намесьнік міністра ўнутраных спраў, начальнік міліцыі грамадзкай бясьпекі Яўген Полудзень. На той момант ён ужо знаходзіўся пад арыштам і супраць яго была заведзеная крымінальная справа за злоўжываньне ўладай.
Алег Пякарскі ў кастрычніку і лістападзе мінулага году выконваў абавязкі міністра падчас хваробы кіраўніка МУС Анатоля Куляшова. Былы падпалкоўнік міліцыі Казлоў пра адстаўку Пякарскага: «Быў шэры міліцыянт»
Былы падпалкоўнік міліцыі Мікалай Казлоў гэтак пракамэнтаваў зьвесткі пра адстаўку былога першага намесьніка міністра Алега Пякарскага:
«Мяркую, гэта ў адной зьвязцы зь Яўгенам Полуднем, бо хадзілі чуткі, што пасьля арышту Полудня Пякарскі напісаў заяву аб адстаўцы. Мяркую, гэта сапраўды ўзаемазьвязана. А ўвогуле у такіх выпадках пачынаеш верыць у вышэйшую справядлівасьць. У рэшце рэшт мы ўсе памятаем, як ён распавядаў пра сякеры й арматуру на Плошчы пасьля мітынгу 19 сьнежня. Як распавядаў Беларускаму тэлебачаньню пра гэта ніколькі не саромеючыся. Таму навіну пра ягоную адстаўку можна ўспрымаць пазытыўна. А ў міністэрстве ён адказваў за крымінальную міліцыю, быў начальнікам крымінальнай міліцыі, галоўным сышчыкам. Асаблівага пра яго ў гэтай якасьці ня чуў ні дрэннага, ні добрага. Шэранькі такі чалавек і міліцыянт. Здаецца, ён прыйшоў на гэтую пасаду разам з тым, як заступіў на сваю Яўген Палудзень».
Алег Пякарскі ў кастрычніку і лістападзе мінулага году выконваў абавязкі міністра падчас хваробы кіраўніка МУС Анатоля Куляшова. Былы падпалкоўнік міліцыі Казлоў пра адстаўку Пякарскага: «Быў шэры міліцыянт»
Былы падпалкоўнік міліцыі Мікалай Казлоў гэтак пракамэнтаваў зьвесткі пра адстаўку былога першага намесьніка міністра Алега Пякарскага:
«Мяркую, гэта ў адной зьвязцы зь Яўгенам Полуднем, бо хадзілі чуткі, што пасьля арышту Полудня Пякарскі напісаў заяву аб адстаўцы. Мяркую, гэта сапраўды ўзаемазьвязана. А ўвогуле у такіх выпадках пачынаеш верыць у вышэйшую справядлівасьць. У рэшце рэшт мы ўсе памятаем, як ён распавядаў пра сякеры й арматуру на Плошчы пасьля мітынгу 19 сьнежня. Як распавядаў Беларускаму тэлебачаньню пра гэта ніколькі не саромеючыся. Таму навіну пра ягоную адстаўку можна ўспрымаць пазытыўна. А ў міністэрстве ён адказваў за крымінальную міліцыю, быў начальнікам крымінальнай міліцыі, галоўным сышчыкам. Асаблівага пра яго ў гэтай якасьці ня чуў ні дрэннага, ні добрага. Шэранькі такі чалавек і міліцыянт. Здаецца, ён прыйшоў на гэтую пасаду разам з тым, як заступіў на сваю Яўген Палудзень».