Лінкі ўнівэрсальнага доступу

У «чорны сьпіс» могуць уключыць новых беларускіх чыноўнікаў


Эўразьвяз плянуе неўзабаве пашырыць санкцыі супраць афіцыйнага Менску. Рашэньне могуць прыняць 23 студзеня на пасяджэньні Міністраў замежных справаў краінаў ЭЗ.

Пра гэта на паседжаньні Камітэту ў пытаньнях замежных справаў Эўрапарлямэнту заявіў дырэктар па пытаньнях Расеі, Усходняга партнэрства, Цэнтральнай Азіі, рэгіянальнага супрацоўніцтва і АБСЭ Гунар Віганд. Паводле дыплямата, ЭЗ можа ўключыць у сьпіс неўязных яшчэ 135 беларускіх чыноўнікаў. Гэта людзі, якія ажыцьцяўляюць ціск на праваабаронцаў, журналістаў, прадстаўнікоў грамадзянскай супольнасьці, пераважна судзьдзі і пракуроры, але гутарка таксама можа ісьці пра беларускія кампаніі, чые актывы будуць замарожаныя і апэрацыі зь якімі будуць забароненыя.

У «чорным сьпісе» Эўразьвязу ўжо больш за 200 беларускіх чыноўнікаў. Узначальвае яго Аляксандр Лукашэнка.
XS
SM
MD
LG