Лінкі ўнівэрсальнага доступу

logo-print

Мін'юст прыпыніў на месяц рэгістрацыю БХД

  • БелаПАН

Міністэрства юстыцыі прыпыніла на месяц рэгістрацыю партыі «Беларуская хрысьціянская дэмакратыя» (БХД).

Як паведаміў БелаПАН адказны сакратар аргкамітэту па стварэньні БХД Дзяніс Садоўскі, пра гэта гаворыцца ў лісьце Мін’юсту, які заснавальнікі БХД атрымалі 11 студзеня. «Прычыны прыпыненьня рэгістрацыі зь ліста незразумелыя. Мін’юст проста канстатуе факт прыпыненьня працэсу. Сёньня мы з гэтым будзем разьбірацца, а заўтра ладзім прэс-канферэнцыю, на якой усё агучым», — сказаў Садоўскі.

Устаноўчы зьезд партыі прайшоў 17 сьнежня 2011 году ў Менску. Сустаршынямі абраны Георгі Дзьмітрук, Віталь Рымашэўскі і Павал Севярынец. Дакумэнты на рэгістрацыю партыі былі пададзеныя 20 сьнежня.

Гэта ўжо чацьвёртая спроба рэгістрацыі партыі. Першая была зробленая ў 2009 годзе, яшчэ дзьве — у 2010-м. Ува ўсіх выпадках Мін’юст адмаўляў у рэгістрацыі арганізацыі, спробы абскардзіць гэтае рашэньне ў Вярхоўным судзе посьпеху ня мелі.
XS
SM
MD
LG