Лінкі ўнівэрсальнага доступу

Год, як замоўкла «Аўтарадыё»


Сёньня год, як з FM-эфіру зьнікла «Аўтарадыё». Менавіта 12 студзеня 2011-га калектыў радыёстанцыі быў пастаўлены перад фактам згортваньня вяшчаньня.

Згодна з афіцыйнай фармулёўкай, прычынай стаў распаўсюд у эфіры матэрыялаў, якія ўтрымлівалі «публічныя заклікі да экстрэмісцкай дзейнасьці». Так чыноўнікі Міністэрства інфармацыі ацанілі тэкст перадвыбарнага роліка кандыдата ў прэзыдэнты Андрэя Саньнікава — «Лёс краіны вырашаецца не на кухні, а на плошчах». Хоць рэклямны шаблён быў растыражаваны і афіцыйнымі СМІ, праблемы ўзьніклі толькі ў «Аўтарадыё».

Юры Базан
Юры Базан
Дырэктар «Аўтарадыё» Юры Базан з жалем канстатуе, што за прамінулы год нічога ў лёсе ні радыёстанцыі, ні калектыву, які выпраўлены ў вымушаны адпачынак, не акрэсьлілася. Ліставаньне з чыноўнікамі Міністэрства інфармацыі ніякага плёну не дае: асаблівага жаданьня вяртаць у эфір «крамольную станцыю» кіраўніцтва ведамства не выяўляе. Пры гэтым, як кажа Юрый Базан, у Міністэрстве сувязі да «Аўтарадыё» ніякіх прэтэнзіяў ня маюць і гатовыя падключыць яго да эфіру, як толькі будзе адпаведны дазвол зь Мінінфармацыі.

Таксама спадар Базан згадвае, што напачатку спрэчная сытуацыя зь Міністэрствам інфармацыі складалася на карысьць «Аўтарадыё». 9 сакавіка Вышэйшы гаспадарчы суд прызнаў несапраўдным папярэджаньне Міністэрства інфармацыі, а таксама рашэньне Рэспубліканскай камісіі па тэлебачаньні і радыёвяшчаньні аб спыненьні вяшчаньня радыёстанцыі. Аднак ужо 17 сакавіка касацыйная калегія таго ж суду адмяніла ранейшае рашэньне, накіраваўшы справу на паўторны разгляд. Наступныя паседжаньні нічога добрага калектыву «Аўтарадыё» не прынесьлі, а 10 траўня касацыйная калегія Вышэйшага гаспадарчага суду канчаткова адхіліла скаргу кіраўніцтва радыёстанцыі аб прызнаньні рашэньня спыніць вяшчаньне несапраўдным.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG