Лінкі ўнівэрсальнага доступу

Лукашэнка знайшоў паразытычны пласт


«Дзяржава і эканоміка нясуць страты з-за таго, што ўтварыўся цэлы паразытычны пласт тых, хто жыруе на спэкуляцыях», — заявіў кіраўнік Беларусі Аляксандар Лукашэнка, заслухаўшы 12 студзеня даклад па пытаньні рэгуляваньня пасярэдніцкай дзейнасьці.

Ён адзначыў, што ў Беларусі неабходна перагледзець парадак рэгуляваньня пасярэдніцкай дзейнасьці, якая набывае ўсё больш крымінальны характар.

«Гэтая праблема стала крымінальнай. Таму што пасярэднікі — гэта ў асноўным сваякі, дзеці, набліжаныя, сябры асобных кіраўнікоў, якія закупляюць тавар — беларускі або імпартны».

Лукашэнка незадаволены тым, што беларускі тавар беларускія спажыўцы закупляюць праз пасярэднікаў.

«Кажуць: маўляў, пасярэдніцкая дзейнасьць — гэта натуральна для рынкавай эканомікі. Можа і натуральна, але я не хачу, каб мы палову адпаведных людзей перасаджалі ў турму», — сказаў Лукашэнка.

Кіраўнік краіны паведаміў, што Камітэтам дзяржкантролю ўнесены праект указу, які забараняе выкарыстаньне «так званых пасярэдніцкіх схем пры закупах тавараў, прац, паслуг за кошт уласных сродкаў дзяржарганізацый, а таксама акцыянэрных таварыстваў з доляй дзяржавы больш за 50%. Такія закупы павінны ажыцьцяўляцца толькі ў вытворцаў тавараў альбо ў іхніх афіцыйных прадстаўнікоў».

Лукашэнка сказаў, што адказнасьць за невыкананьне ўсталяванага парадку мяркуецца зрабіць больш жорсткай. Аднак «прыняцьце гэтага дакумэнта не павінна паралізаваць эканоміку».

Паказаць камэнтары

XS
SM
MD
LG