ЭЗ і іншыя міжнародныя арганізацыі неаднаразова крытыкавалі Будапэшт за прыняцьце новага асноўнага закона, які, як мяркуюць, абмяжоўвае незалежнасьць судзьдзяў, цэнтральнага банку і ведамства па абароне інфармацыі.
Новая канстытуцыя ўступіла ў сілу ўжо пасьля таго, як Вугоршчына зьвярнулася на фінансавую дапамогу да ЭЗ і МВФ. У сьнежні абедзьве арганізацыі перапынілі папярэднія перамовы па гэтым пытаньні.
Раней праваабаронцы і Эўрапарлямэнт папярэджвалі, што пры прэм’ер-міністры Віктары Орбане ёсьць рызыка ператварэньня Вугоршчыны ва аўтарытарную дзяржаву.
