Лінкі ўнівэрсальнага доступу

logo-print

Амэрыканскія кінакрытыкі назвалі «Мэлянхолію» лепшым фільмам 2011


Ларс фон Трыер

Ларс фон Трыер

Нацыянальнае таварыства кінакрытыкаў ЗША назвала лепшым фільмам 2011 году «Мэлянхолія» Ларса фон Трыера. Лепшай актрысай прызнаная Кірстен Данст, якая выканала галоўную ролю ў «Мэлянхоліі».

Ларс фон Трыер, які быў выгнаны ў траўні з Канскага кінафэстывалю за тое, што заявіў у інтэрвію, што сымпатызуе Гітлеру, не атрымаў тады найпрэстыжнай ўзнагароды за лепшую рэжысуру.

Узнагарода амэрыканскіх кінакрытыкаў лічыцца важнай, паколькі можа паўплываць на выбар намінантаў найпрэстыжнай у ЗША кінапрэміі — «Оскара». Намінанты на «Оскара» будуць абвешчаныя 24 студзеня.


Прэмія кінакрытыкаў за лепшую рэжысуру дасталася Тэрэнсу Маліку за фільм «Дрэва жыцьця». Гэтая ж карціна атрымала прэмію за лепшую апэратарскую працу. Брэда Піта назвалі лепшым акцёрам за ролі ў фільмах "Чалавек, які зьмяніў усе«(Moneyball) і «Дрэва жыцьця».

XS
SM
MD
LG