ЦВК абраў самую позьнюю магчымую дату, каб можна было забясьпечыць правядзеньне галасаваньня таксама за мяжой. Рэфэрэндум будзе праводзіцца адзін дзень.
З 1 па 30 лістапада ў Латвіі праводзіўся збор подпісаў грамадзян за наданьне расейскай мове статусу дзяржаўнай.
20 сьнежня ЦВК Латвіі паведаміў, што з 187378 сабраных подпісаў сапраўднымі прызнаныя толькі 174845, гэта прыкладна 12% выбарцаў краіны. Пасьля пералічэньня подпісаў ЦВК Латвіі падаў дакумэнты прэзыдэнту краіны, які ў сваю чаргу перадаў законапраект у парлямэнт.
Два тыдні таму сойм Латвіі адхіліў праект паправак да Канстытуцыі, што прадугледжваюць прызнаньне дзяржаўнага статусу расейскай мовы. Паводле закону не раней, чым праз месяц, і не пазьней, чым праз два месяцы, у Латвіі павінен быць праведзены рэфэрэндум па гэтым законапраекце.
Усе кіраўнікі Латвіі выступілі супраць прапановы, якая выносіцца на ўсенароднае галасаваньне. Прэзыдэнт Андрыс Бэрзіньш заявіў, што ня будзе ўдзельнічаць у рэфэрэндуме, бо лічыць гэта «абсурднай гульнёй». Партыі, якія ўваходзяць ва ўрадавую кааліцыю, заклікаюць грамадзян прыйсьці на выбарчыя ўчасткі і прагаласаваць супраць прапановы.
Папраўкі будуць прынятыя, калі за іх прагаласуе больш за палову выбарцаў, якія ўдзельнічалі ў апошніх выбарах у парлямэнт, гэта значыць больш за 771 892 выбарцаў.
З 1 па 30 лістапада ў Латвіі праводзіўся збор подпісаў грамадзян за наданьне расейскай мове статусу дзяржаўнай.
20 сьнежня ЦВК Латвіі паведаміў, што з 187378 сабраных подпісаў сапраўднымі прызнаныя толькі 174845, гэта прыкладна 12% выбарцаў краіны. Пасьля пералічэньня подпісаў ЦВК Латвіі падаў дакумэнты прэзыдэнту краіны, які ў сваю чаргу перадаў законапраект у парлямэнт.
Два тыдні таму сойм Латвіі адхіліў праект паправак да Канстытуцыі, што прадугледжваюць прызнаньне дзяржаўнага статусу расейскай мовы. Паводле закону не раней, чым праз месяц, і не пазьней, чым праз два месяцы, у Латвіі павінен быць праведзены рэфэрэндум па гэтым законапраекце.
Усе кіраўнікі Латвіі выступілі супраць прапановы, якая выносіцца на ўсенароднае галасаваньне. Прэзыдэнт Андрыс Бэрзіньш заявіў, што ня будзе ўдзельнічаць у рэфэрэндуме, бо лічыць гэта «абсурднай гульнёй». Партыі, якія ўваходзяць ва ўрадавую кааліцыю, заклікаюць грамадзян прыйсьці на выбарчыя ўчасткі і прагаласаваць супраць прапановы.
Папраўкі будуць прынятыя, калі за іх прагаласуе больш за палову выбарцаў, якія ўдзельнічалі ў апошніх выбарах у парлямэнт, гэта значыць больш за 771 892 выбарцаў.
