Лінкі ўнівэрсальнага доступу

У менскай сетцы МТІС адключаны Euronews


Ад 1 студзеня апэратар кабэльнага тэлебачаньня МТІС адключыў канал Euronews. Замест яго ў сетцы будзе расейскі канал “НТВ+киноплюс”.

Прычыны адключэньня кіраўніцтва МТІС не патлумачыла.

Канал Euronews быў адзіным незалежным тэлеканалам, які свабодна трансьляваўся ў Менску па кабэльных сетках.

У выпуску навінаў, сярод іншага, былі рэпартажы з акцыяў пратэстаў ў Беларусі, судоў над апазыцыйнымі актывістамі, таксама перадаваліся інтэрвію з апазыцыйнымі беларускімі палітыкамі. У мінулыя гады Euronews даваў падрабязныя рэпартажы пра цырымоніі ўганараваньня прэміямі Эўрапарлямэнту Беларускай Асацыяцыі журналістаў і Аляксандра Мілінкевіча.

У чэрвені 2010 г. інтэрвію Euronews даў Аляксандар Лукашэнка.

Як паведамляе БелаПАН, кліенты іншых пастаўшчыкоў кабэльных паслугаў могуць глядзець Euronews.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG