Лінкі ўнівэрсальнага доступу

Былога палітвязьня Вінаградава судзяць пад Новы год


Павал Вінаградаў

Павал Вінаградаў

Менская міліцыя склала на актывіста кампаніі «Гавары праўду» Паўла Вінаградава пратакол аб дробным хуліганстве. Яго справа перададзеная ў суд, а сам Павал затрыманы.

Пра гэта Свабодзе паведаміла жонка Вінаградава Сьвятлана. Паводле яе словаў, сёньня судовы працэс не адбыўся.

Міліцыя да суду адвезла Паўла Вінаградава ў турму на Акрэсьціна. Ягонай жонцы Сьвятлане паведамілі, што працэс адбудзецца альбо 31 сьнежня, альбо 2 студзеня.

Раней па тэлефоне Павал пасьпеў паведаміць, што яго абвінавачваюць у тым, што ён нібыта лаяўся матам.

Учора паводле такога ж абвінавачваньня да 5 сутак арышту быў засуджаны актывіст апазыцыі Андрэй Крэчка.

Павал Вінаградаў — адзін зь вязьняў Плошчы, сёлета ён быў асуджаны да 4 гадоў калёніі ўзмоцненага рэжыму, 13 верасьня ён быў адпушчаны паводле рашэньня Лукашэнкі.

Паказаць камэнтары

XS
SM
MD
LG