Усё прывезенае супрацоўнікі шпіталю вырашылі перадаць у псыхіятрычнае адзьдзяленьне, дзе лекуюцца самыя малазабясьпечаныя пацыенты.
Збор сродкаў для хворых на сухоты пацыентаў Багушэўскага шпіталю ініцыяваў Сяргей Парсюкевіч, актывіст кампаніі «Гавары праўду»: «Людзі, бывала, распавядалі — у каго там сваякі ці знаёмыя лекаваліся, — што там і халодна ўзімку, і кормяць дрэнна. Ну, чым кормяць? Кашкай нейкай... А каб там цукеркі ці печыва, ці садавіна — пра такое толькі марыць можна! А яшчэ, казалі, там шмат проста кінутых людзей, у якіх няма сваякоў, да якіх ніхто не прыяжджае. І яны адрэзаныя ад сьвету — ім нават няма ў чым выйсьці, каб проста пабыць на паветры».
Прадпрымальнікі са Смаленскага рынку сабралі для хворых рэчы: коўдры, бялізну, шкарпэткі, спартовыя касьцюмы, некалькі цёплых куртак, абутак. Яшчэ віцебскія актывісты сабралі амаль тры мільёны грашовых ахвяраваньняў, і на гэтыя сродкі набылі печыва, цукерак, яблыкаў, мандарынаў...
У бібліятэку шпіталю актывісты кампаніі «Гавары праўду» перадалі дзясятак зборнікаў вершаў Уладзімера Някляева, кнігі для хворых перадала і віцебская каардынатарка аргкамітэту па стварэньні партыі БХД Тацяна Севярынец:
«Мы стэлефанаваліся з галоўурачом Натальляй Лясной. Яна сказала, што да нас выйдзе камісія, і насамрэч выйшла шмат жанчын, мужчын, адзін зь іх — нават ахоўнік у міліцэйскай форме. Мы падвезьлі рэчы, яны пачалі ўсё запісваць, пералічваць — каб мы не падумалі, што гэтыя рэчы ня дойдуць да хворых. Усё распытвалі, хто мы такія і навошта гэта робім. Мы сказалі, што мы проста неабыякавыя людзі, якія імкнуцца дапамагчы тым, каму найцяжэй у гэты час».
Усе рэчы і прадукты перагледзеў чалавек у міліцэйскай форме — каб не было схавана што забароненае, да прыкладу, алькаголь. Перагледзелі і перадачу, падрыхтаваную Тацянай Севярынец для прыхільніка стварэньня партыі БХД Валера Ганчарэнкі, які цяпер знаходзіцца ў псыхіятрычным адзьдзяленьні шпіталю.
Паводле зьвестак з СМІ, спадар Ганчарэка колькі часу таму абвясьціў галадоўку на знак пратэсту супраць дрэнных умоваў утрыманьня хворых. Але работнікі шпіталю гэтую інфармацыю абверглі. І сказалі, што інфармацыя пра кепскія ўмовы ў шпіталі не адпавядае рэчаіснасьці:
«Што напісана ў інтэрнэце — гэта ўвогуле на нас паклёп узьвялі! Нам гэта дужа крыўдна, бо мы для хворых дужа стараемся, і накормленыя яны ў нас, і дагледжаныя. І праблем вялікіх няма!»
Праверыць, ці праўду сказалі медработнікі, было немагчыма: на тэрыторыю шпіталю пабочных асобаў не пускаюць, яна абгароджана высокім плотам і на кантрольна-прапускным пункце дзяжурыць ахова. Але Сяргею Парсюкевічу паабяцалі, што дашлюць фотаздымкі, як раздавалі хворым падарункі.
Збор сродкаў для хворых на сухоты пацыентаў Багушэўскага шпіталю ініцыяваў Сяргей Парсюкевіч, актывіст кампаніі «Гавары праўду»: «Людзі, бывала, распавядалі — у каго там сваякі ці знаёмыя лекаваліся, — што там і халодна ўзімку, і кормяць дрэнна. Ну, чым кормяць? Кашкай нейкай... А каб там цукеркі ці печыва, ці садавіна — пра такое толькі марыць можна! А яшчэ, казалі, там шмат проста кінутых людзей, у якіх няма сваякоў, да якіх ніхто не прыяжджае. І яны адрэзаныя ад сьвету — ім нават няма ў чым выйсьці, каб проста пабыць на паветры».
Прадпрымальнікі са Смаленскага рынку сабралі для хворых рэчы: коўдры, бялізну, шкарпэткі, спартовыя касьцюмы, некалькі цёплых куртак, абутак. Яшчэ віцебскія актывісты сабралі амаль тры мільёны грашовых ахвяраваньняў, і на гэтыя сродкі набылі печыва, цукерак, яблыкаў, мандарынаў...
У бібліятэку шпіталю актывісты кампаніі «Гавары праўду» перадалі дзясятак зборнікаў вершаў Уладзімера Някляева, кнігі для хворых перадала і віцебская каардынатарка аргкамітэту па стварэньні партыі БХД Тацяна Севярынец:
«Мы стэлефанаваліся з галоўурачом Натальляй Лясной. Яна сказала, што да нас выйдзе камісія, і насамрэч выйшла шмат жанчын, мужчын, адзін зь іх — нават ахоўнік у міліцэйскай форме. Мы падвезьлі рэчы, яны пачалі ўсё запісваць, пералічваць — каб мы не падумалі, што гэтыя рэчы ня дойдуць да хворых. Усё распытвалі, хто мы такія і навошта гэта робім. Мы сказалі, што мы проста неабыякавыя людзі, якія імкнуцца дапамагчы тым, каму найцяжэй у гэты час».
Усе рэчы і прадукты перагледзеў чалавек у міліцэйскай форме — каб не было схавана што забароненае, да прыкладу, алькаголь. Перагледзелі і перадачу, падрыхтаваную Тацянай Севярынец для прыхільніка стварэньня партыі БХД Валера Ганчарэнкі, які цяпер знаходзіцца ў псыхіятрычным адзьдзяленьні шпіталю.
Паводле зьвестак з СМІ, спадар Ганчарэка колькі часу таму абвясьціў галадоўку на знак пратэсту супраць дрэнных умоваў утрыманьня хворых. Але работнікі шпіталю гэтую інфармацыю абверглі. І сказалі, што інфармацыя пра кепскія ўмовы ў шпіталі не адпавядае рэчаіснасьці:
«Што напісана ў інтэрнэце — гэта ўвогуле на нас паклёп узьвялі! Нам гэта дужа крыўдна, бо мы для хворых дужа стараемся, і накормленыя яны ў нас, і дагледжаныя. І праблем вялікіх няма!»
Праверыць, ці праўду сказалі медработнікі, было немагчыма: на тэрыторыю шпіталю пабочных асобаў не пускаюць, яна абгароджана высокім плотам і на кантрольна-прапускным пункце дзяжурыць ахова. Але Сяргею Парсюкевічу паабяцалі, што дашлюць фотаздымкі, як раздавалі хворым падарункі.