Лінкі ўнівэрсальнага доступу

logo-print

МЗС Украіны: няма сэнсу з-за Femen рабіць ноты пратэсту ўладам Беларусі


Алег Валошын

Алег Валошын

Міністэрства замежных спраў Украіны бясьсільна патрабаваць чаго-небудзь ад уладаў Беларусі ў сытуацыі з магчымымі зьдзекамі з актывістак жаночага руху Femen. Пра гэта на брыфінгу сказаў дырэктар дэпартамэнту інфармацыйнай палітыкі МЗС Алег Валошын.

Паводле яго, украінкі, якія пацярпелі падчас інцыдэнту, не зьвярталіся з адпаведнымі заявамі да кампэтэнтных беларускіх органаў, і таму «рабіць ноты пратэсту няма сэнсу ў гэтай сытуацыі».

Разам з тым Валошын выказаў незадавальненьне тым, што ў Беларусі не вядзецца расьсьледаваньня інцыдэнту з актывісткамі Femen.

«Мы незадаволеныя тым, што няма расьсьледаваньня інцыдэнту. Але падстаў для таго, каб вінаваціць афіцыйную беларускую ўладу, акрамя таго, што на яе тэрыторыі маюць месца факты бандытызму, няма», — сказаў ён.

У заключэньне Валошын падкрэсьліў, што пасьля інцыдэнту беларускія ўлады заяўлялі аб недатычнасьці да таго, што здарылася.
XS
SM
MD
LG