Адначасова ў Нацбанку абвяргаюць чуткі пра дэнамінацыю беларускага рубля, якая нібыта павінна адбыцца ў студзені наступнага году. Меркаваньні фінансавых аналітыкаў і экспэртаў
«Беларусь — краіна мільянэраў». Гэта цьвярджэньне набудзе сапраўдную сілу ўжо ў студзені 2012 году, калі мінімальны заробак у краіне стане роўным аднаму мільёну беларускіх рублёў. Гэтыя абставіны плюс нязручнасьць у карыстаньні з банкнотамі невысокага наміналу і нараджаюць разнастайныя чуткі. Так, са спасылкамі на экспэрта «з банкаўскіх колаў» зьявілася інфармацыя аб дэнамінацыі, якая нібыта плянуецца на студзень 2012 году.
У Нацыянальным банку Беларусі гэтыя чуткі раяць не ўспрымаць усур’ёз. Начальнік упраўленьня інфармацыі Аляксандар Цімашэнка сёньня сказаў «Свабодзе»:
«На гэты конт, наконт нібыта магчымай дэнамінацыі ўсе неабходныя камэнтары дала старшыня Нацыянальнага банку Надзея Ермакова. Нічога падобнага не рыхтуецца. І не рыхтавалася».
Дэнамінацыя беларускім грошам вельмі неабходная, лічыць вядомы фінансіст прафэсар Барыс Жаліба:
«Дэнамінацыю ўжо даўно трэба было праводзіць. Ад гэтых нулёў, зразумела, вочы ўжо стаміліся. Але рабіць гэта патрэбна было тады, калі эканоміка была больш-менш стабільнай, хаця б гады два-тры таму.
У пэрыяд высокай інфляцыі дэнамінацыя не праводзіцца. Спачатку трэба ўтаймаваць інфляцыю, навесьці нейкі парадак у фінансавай і банкаўскай сфэрах , а ўжо потым праводзіць дэнамінацыю. А тое, што спэцыялісты Нацбанку ня робяць яе цяпер, гэта значыць, што яны разумеюць, — такая высокая інфляцыя зноў жа адразу будзе зьядаць пакупніцкую здольнасьць рубля».
У Беларусі дэнамінацыя ўжо адбывалася двойчы, згадвае дырэктар Інстытуту прыватызацыі і мэнэджмэнту Аляксандар Чубрык:
«Дэнамінацыю было б рабіць варта ў адным выпадку. Калі б было дакладна вядома, што пасьля гэтага мы больш ня будзем праходзіць праз пэрыяды інфляцыі, як гэта было падчас папярэдніх дэнамінацыяў. Бо тады інфляцыя была даволі высокая. У 1994 годзе інфляцыя была некалькі тысячаў працэнтаў за год. А ў 2000-м годзе, калі не памыляюся, яна была дзесьці 180%.
І атрымліваецца, што робіцца дэнамінацыя, адкідаецца некалькі нулёў, а маштаб цэнаў вельмі хутка мяняецца. І новыя грошы, без трох нулёў, зноў вельмі хутка абясцэньваюцца. Калі правесьці дэнамінацыю і пасьля гэтага ажыцьцяўляць больш адказную і незалежную манэтарную палітыку, то ўвогуле гэта была б неблагая ідэя».
Аляксандар Чубрык лічыць, што для аздараўленьня фінансавай сыстэмы Беларусі патрэбна больш радыкальная за дэнамінацыю рэформа:
«Калі мы ўжо хочам зрабіць грашовую рэформу, пасьля якой будзе праводзіцца адказная грашовая палітыка, то найлепей было б ня проста рабіць дэнамінацыю, а мяняць нацыянальную валюту. Даць ёй новую назву і прывязаць да эўра альбо даляра».
Што тычыцца зьніжэньня золата-валютных рэзэрваў зь цяперашніх 7,3 мільярда даляраў да 6,1 — 7 мільярдаў напрыканцы 2012 году, то, як адзначае экс-старшыня Нацбанку Беларусі Станіслаў Багданкевіч, улады ўлічваюць пагашэньні пазыкаў, якія ім трэба будзе зрабіць цягам наступнага году.
«Беларусь — краіна мільянэраў». Гэта цьвярджэньне набудзе сапраўдную сілу ўжо ў студзені 2012 году, калі мінімальны заробак у краіне стане роўным аднаму мільёну беларускіх рублёў. Гэтыя абставіны плюс нязручнасьць у карыстаньні з банкнотамі невысокага наміналу і нараджаюць разнастайныя чуткі. Так, са спасылкамі на экспэрта «з банкаўскіх колаў» зьявілася інфармацыя аб дэнамінацыі, якая нібыта плянуецца на студзень 2012 году.
У Нацыянальным банку Беларусі гэтыя чуткі раяць не ўспрымаць усур’ёз. Начальнік упраўленьня інфармацыі Аляксандар Цімашэнка сёньня сказаў «Свабодзе»:
«На гэты конт, наконт нібыта магчымай дэнамінацыі ўсе неабходныя камэнтары дала старшыня Нацыянальнага банку Надзея Ермакова. Нічога падобнага не рыхтуецца. І не рыхтавалася».
Дэнамінацыя беларускім грошам вельмі неабходная, лічыць вядомы фінансіст прафэсар Барыс Жаліба:
«Дэнамінацыю ўжо даўно трэба было праводзіць. Ад гэтых нулёў, зразумела, вочы ўжо стаміліся. Але рабіць гэта патрэбна было тады, калі эканоміка была больш-менш стабільнай, хаця б гады два-тры таму.
У пэрыяд высокай інфляцыі дэнамінацыя не праводзіцца. Спачатку трэба ўтаймаваць інфляцыю, навесьці нейкі парадак у фінансавай і банкаўскай сфэрах , а ўжо потым праводзіць дэнамінацыю. А тое, што спэцыялісты Нацбанку ня робяць яе цяпер, гэта значыць, што яны разумеюць, — такая высокая інфляцыя зноў жа адразу будзе зьядаць пакупніцкую здольнасьць рубля».
У Беларусі дэнамінацыя ўжо адбывалася двойчы, згадвае дырэктар Інстытуту прыватызацыі і мэнэджмэнту Аляксандар Чубрык:
«Дэнамінацыю было б рабіць варта ў адным выпадку. Калі б было дакладна вядома, што пасьля гэтага мы больш ня будзем праходзіць праз пэрыяды інфляцыі, як гэта было падчас папярэдніх дэнамінацыяў. Бо тады інфляцыя была даволі высокая. У 1994 годзе інфляцыя была некалькі тысячаў працэнтаў за год. А ў 2000-м годзе, калі не памыляюся, яна была дзесьці 180%.
І атрымліваецца, што робіцца дэнамінацыя, адкідаецца некалькі нулёў, а маштаб цэнаў вельмі хутка мяняецца. І новыя грошы, без трох нулёў, зноў вельмі хутка абясцэньваюцца. Калі правесьці дэнамінацыю і пасьля гэтага ажыцьцяўляць больш адказную і незалежную манэтарную палітыку, то ўвогуле гэта была б неблагая ідэя».
Аляксандар Чубрык лічыць, што для аздараўленьня фінансавай сыстэмы Беларусі патрэбна больш радыкальная за дэнамінацыю рэформа:
«Калі мы ўжо хочам зрабіць грашовую рэформу, пасьля якой будзе праводзіцца адказная грашовая палітыка, то найлепей было б ня проста рабіць дэнамінацыю, а мяняць нацыянальную валюту. Даць ёй новую назву і прывязаць да эўра альбо даляра».
Што тычыцца зьніжэньня золата-валютных рэзэрваў зь цяперашніх 7,3 мільярда даляраў да 6,1 — 7 мільярдаў напрыканцы 2012 году, то, як адзначае экс-старшыня Нацбанку Беларусі Станіслаў Багданкевіч, улады ўлічваюць пагашэньні пазыкаў, якія ім трэба будзе зрабіць цягам наступнага году.