Лінкі ўнівэрсальнага доступу

Вярхоўны суд адхіліў скаргу Дзьмітрыя Бандарэнкі


Зьміцер Бандарэнка

Зьміцер Бандарэнка

Вярхоўны суд Беларусі адхіліў скаргу каардынатара «Эўрапейскай Беларусі» Зьмітра Бандарэнкі на прысуд Першамайскага суду Менску, паводле якога актывіст быў пакараны 2 гадамі зьняволеньня за ўдзел у акцыі 19 сьнежня.

Раней скаргу Зьмітра Бандарэнкі адхіліў менскі гарадзкі суд.

«Адвакат атрымала адказ сёньня, але датаваны ён 23 сьнежня, калі на прэсавай канфэрэнцыі Лукашэнку спыталі пра лёсы палітвязьняў, у тым ліку, і майго мужа. Ня думаю, што гэта простае супадзеньне ў лічбах», — сказала «Свабодзе» жонка палітвязьня Вольга Бандарэнка.

Зьмітра Бандарэнку ўтрымліваюць ў Магілёўскай калёніі. У зьняволеньні палітвязень перанёс апэрацыю на хрыбетніку, яму дагэтуль цяжка хадзіць. Пісаць прашэньне аб памілаваньні на імя Аляксандра Лукашэнкі Зьміцер Бандарэнка адмовіўся.
XS
SM
MD
LG