Ужо сёньня, 27 сьнежня

27 сьнежань 2011, 00:01

Радыё Свабода

Бліц-агляд падзеяў і тэмаў у Беларусі, сьвеце, гісторыі.

НАДВОР’Е

Па краіне – часам дождж. Тэмпэратура ад 6 да 11 градусаў цяпла.

У БЕЛАРУСІ І СЬВЕЦЕ

Менск – у Палацы мастацтваў адкрываецца першая ў Беларусі выстава-кірмаш дзіцячай кнігі “Кніжнікі ў штанішках”. У праграме каля 40 мерапрыемстваў, у тым ліку сустрэчы зь дзіцячымі пісьменьнікамі, майстар-клясы і тэатральныя прадстаўленьні.

Карачы – завяршаюцца перамовы паміж Індыяй і Пакістанам аб ядзернай праграме абедзьвюх краінаў і захадах па ўмацаваньні бясьпекі

Тбілісі – у гарадзкім судзе будзе абвешчаны прысуд па справе аб пазбаўленьні грамадзянства Грузіі бізнэсмэна Бідзіна Іванішвілі, які ў кастрычніку заявіў аб намеры стварыць апазыцыйную партыю і пасьля гэтага быў пазбаўлены прэзыдэнтам Саакашвілі грузінскага грамадзянства. Суд быў пачаты паводле пазову Іванішвілі.

ТАКСАМА Ў ГЭТЫ ДЗЕНЬ:

У 1831 годзе Чарльз Дарвін узышоў на карабель «Бігль», каб выправіцца ў пяцігадовае падарожжа

У 1918 годзе Рада БНР пераехала зь Вільні ў Горадню

У 1932 году ў СССР уводзіцца пашпартная сыстэма і абавязковая прапіска па месцы жыхарства. Пасьля кастрычніцкага перавароту 1917 году пашпарты ў Савецкім Саюзе былі адмененыя як адна з праяваў царскай адсталасьці і дэспатызму

У 1934 годзе Пэрсія зьмяніла назву на Іран

У гэты дзень нарадзіліся:

1459 – Ян I Ольбрахт, кароль польскі з 1492

1571 – Ёган Кеплер, нямецкі матэматык, астраном і оптык

1595 – Багдан Хмяльніцкі, украінскі гетман

1822 – Луі Пастэр, францускі хімік і бактэрыёляг, заснавальнік сучаснай мікрабіялёгіі ды імуналёгіі. Менавіта Пастэр прыдумаў тое, што цяпер называюць пастэрызацыяй

1923 – беларускі паэт Анатоль Вялюгін

1948 – вядомы францускі кінаактор Жэрар Дэпардзьё.

У гэты дзень памерлі:

1746 – беларускі кампазытар нямецкага паходжаньня Ян Голанд, які пісаў опэры ў Нясьвіжы пад апекаю Радзівілаў, а пасьля працаваў выкладчыкам у Віленскім унівэрсытэце

1840 – беларускі паўстанец Зыгмунд Мінейка, які падчас паўстаньня Каліноўскага быў вайсковым кіраўніком у Ашмянскім павеце, а пасьля ўдзельнічаў у вайне Грэцыі з Турцыяй за востраў Крыт і стаў ганаровым грамадзянінам Грэцыі

1964 – Мікалай Чуркін, беларускі кампазытар і фальклярыст

1998 – Навум Кісьлік, беларускі пісьменьнік

ЦЫТАТА НА ПАМЯЦЬ

Яшчэ прыйдзе дзень, калі будуць сьмяяцца над глупствам сучаснай нам матэрыялістычнай філязофіі. Чым больш я займаюся вывучэньнем прыроды, тым больш спыняюся ў зачараваным зьдзіўленьні перад справамі Творцы.

Луі Пастэр