Лінкі ўнівэрсальнага доступу

МЗС не камэнтуе інфармацыю пра выкраданьне дыплямата ў Вэнэсуэле


Прэсавы сакратар МЗС Андрэй Савіных

Прэсавы сакратар МЗС Андрэй Савіных

«Гарантаваньне бясьпекі супрацоўнікаў дыпламатычных прадстаўніцтваў за мяжой мае найвышэйшы прыярытэт. Інфармацыя па гэтай тэме носіць закрыты службовы характар. Па відавочных прычынах мы ня будзем камэнтаваць гэтыя пытаньні», — заявіў прэсавы сакратар МЗС Беларусі Андрэй Савіных.

Інцыдэнт адбыўся 16 сьнежня каля 22:00 побач з супэрмаркетам у раёне Санта-Эдувіхіс на поўначы Каракасу.

Група ўзброеных злачынцаў на двух аўтамабілях заблякавала машыну дыпламата і выкрала яго, запатрабаваўшы грошы пад пагрозай сьмерці. Паліцыя знайшла віцэ-консула за 12 км ад месца выкраданьня, у раёне Эль-Параіса ў заходняй частцы Каракасу, а 2:30 ночы.

Tut.by са спасылкай на свае крыніцы паведамляе, што быў выкрадзены консул Аляксандар Шкатула.

Дыплямат быў вызвалены пасьля таго, як злачынцы адтрымалі выкуп, піша БелаПАН.

Паказаць камэнтары

XS
SM
MD
LG