Праваабаронцам паведамілі пра спробу суіцыду ў Бабруйскай калёніі

Паводле інфармацыі з калёніі, інцыдэнт адбыўся на пачатку сьнежня на пілараме ў прамысловай зоне, дзе і зрабіў замах на жыцьцё адзін з асуджаных.

Зь цяжкімі траўмамі галавы, шыі і твару зьняволены (зьвесткі пра яго ўдакладняюцца праваабаронцамі) быў вывезены ў гарадзкую лякарню. Цяпер асуджаны, паводле крыніцаў «Плятформы», пераведзены ў мэдычную частку ПК-2.

Паводле праваабаронцаў, адміністрацыя калёніі старанна хавае інфармацыю ў таямніцы. Любыя спробы атрымаць інфармацыю спыняюцца супрацоўнікамі адміністрацыі.