Вечарына адбудзецца ў офісе АГП на вуліцы Палескай. Яна будзе працягам жалобных мерапрыемстваў ушанаваньня памяці Андрэя.
Напярэдадні прадстаўнікі аб’яднаных дэмакратычных сілаў — кааліцыіі «Наша альтэрнатыва», кампаніі «Гавары праўду» і проста нераўнадушныя гараджане наведалі магілу Андрэя Зайцава на Рандоўскіх могілках, куды прынесьлі зьнічы й вянкі з памінальнымі надпісамі, і дзе прачыталі памінальную малітву.
Дзесяць год таму, 20 сьнежня 2001 году, Андрэя Зайцава знайшлі дома павешаным на спартовай перакладзіне. Афіцыйная вэрсія — скончыў жыцьцё самагубствам. Але Андрэй пакінуў перадсьмяроткую запіску, у якой паведаміў, што ў ягонай сьмерці вінаватыя супрацоўнікі КДБ.
На складным століку перад перакладзінай, дзе вісела цела Зайцава, ляжала й касэта з запісам ягонай тэлефоннай размовы з супрацоўнікам абласной управы КГБ і заява ў Беларускі Хэльсінскі камітэт пра акалічнасьці вярбоўкі ў якасці сакрэтнага пастаўшчыка інфармацыі пра дзейнасць грамадска-палітычных арганізацыяў.
У Гомельскай управе КДБ адмаўлялі наяўнасьць супрацоўніка па прозьвішчу Еўсьцігнееў, хаця нумар тэлефону, які згадваў Зайцаў, ва ўправе быў.
На запыт адваката з прадпрыемства «Гомельаблтэлекам» паступіў афіцыйны адказ пра гаспадара пэйждэру, на які мусіў скідваць паведамленьні Андрэй: «Абанэнцкі № 215862 пэйджынгавай сеткі РУП „Гомельаблтэлекам“ зарэгістраваны за Ястрэмскім А.І.». Такі супрацоўнік служыў у адным з падразьдзяленьняў УКДБ.
Напярэдадні прадстаўнікі аб’яднаных дэмакратычных сілаў — кааліцыіі «Наша альтэрнатыва», кампаніі «Гавары праўду» і проста нераўнадушныя гараджане наведалі магілу Андрэя Зайцава на Рандоўскіх могілках, куды прынесьлі зьнічы й вянкі з памінальнымі надпісамі, і дзе прачыталі памінальную малітву.
Дзесяць год таму, 20 сьнежня 2001 году, Андрэя Зайцава знайшлі дома павешаным на спартовай перакладзіне. Афіцыйная вэрсія — скончыў жыцьцё самагубствам. Але Андрэй пакінуў перадсьмяроткую запіску, у якой паведаміў, што ў ягонай сьмерці вінаватыя супрацоўнікі КДБ.
На складным століку перад перакладзінай, дзе вісела цела Зайцава, ляжала й касэта з запісам ягонай тэлефоннай размовы з супрацоўнікам абласной управы КГБ і заява ў Беларускі Хэльсінскі камітэт пра акалічнасьці вярбоўкі ў якасці сакрэтнага пастаўшчыка інфармацыі пра дзейнасць грамадска-палітычных арганізацыяў.
У Гомельскай управе КДБ адмаўлялі наяўнасьць супрацоўніка па прозьвішчу Еўсьцігнееў, хаця нумар тэлефону, які згадваў Зайцаў, ва ўправе быў.
На запыт адваката з прадпрыемства «Гомельаблтэлекам» паступіў афіцыйны адказ пра гаспадара пэйждэру, на які мусіў скідваць паведамленьні Андрэй: «Абанэнцкі № 215862 пэйджынгавай сеткі РУП „Гомельаблтэлекам“ зарэгістраваны за Ястрэмскім А.І.». Такі супрацоўнік служыў у адным з падразьдзяленьняў УКДБ.