Судзьдзя Кастрычніцкага райсуду Ірына Закрэўская разьбірала адміністрацыйную справу, распачатую 10 лістапада. У той дзень Аляксандар Кірылаў наведаў цэнтар занятасьці, дзе стаіць на ўліку як беспрацоўны. Паводле пратаколу, складзенага ў Кастрычніцкім РАУС, спадар Кірылаў быў затрыманы, бо нецэнзурна абражаў кіраўніка і супрацоўнікаў віцебскага цэнтру занятасьці.
Сяргей Рыжоў, стваральнік партыі «Белая Русь», лічыць абвінавачаньне беспадстаўным: «Аляксандар не ўжывае нецэнзурнай лексыкі, гэта ведаюць усе, хто зь ім знаёмы. Суд адбываўся неаб’ектыўна: Кірылаву не далі папярэдне азнаёміцца са справай, ніводнае ягонае хадайніцтва не было задаволенае, у тым ліку наконт выкліку сьведак, якія маглі б засьведчыць яго невінаватасьць. Штраф памерам 350 тысяч — гэта істотная сума для беспрацоўнага. Я перакананы, што гэтае судовае рашэньне — безумоўны ціск на актывіста напярэдадні 19 сьнежня. У гэты дзень нашы аднадумцы заклікаюць суграмадзянаў распачаць бестэрміновы палітычны страйк і патрабаваць адстаўкі Лукашэнкі».
Сяргей Рыжоў, стваральнік партыі «Белая Русь», лічыць абвінавачаньне беспадстаўным: «Аляксандар не ўжывае нецэнзурнай лексыкі, гэта ведаюць усе, хто зь ім знаёмы. Суд адбываўся неаб’ектыўна: Кірылаву не далі папярэдне азнаёміцца са справай, ніводнае ягонае хадайніцтва не было задаволенае, у тым ліку наконт выкліку сьведак, якія маглі б засьведчыць яго невінаватасьць. Штраф памерам 350 тысяч — гэта істотная сума для беспрацоўнага. Я перакананы, што гэтае судовае рашэньне — безумоўны ціск на актывіста напярэдадні 19 сьнежня. У гэты дзень нашы аднадумцы заклікаюць суграмадзянаў распачаць бестэрміновы палітычны страйк і патрабаваць адстаўкі Лукашэнкі».
