Лінкі ўнівэрсальнага доступу

«Год пасьля выбараў» — сустрэчы з экс-кандыдатамі ў прэзыдэнты. Герой праграмы — Андрэй Саньнікаў.

Ці пайшлі б ізноў у прэзыдэнты, ведаючы, як скончыцца? Што б зрабілі іначай? Чаму не зьняліся з выбараў? Чым найбольш ганарыцеся з таго, што зрабілі? Што стала найбольш прыемным адкрыцьцём? Якое найбольшае расчараваньне? Ці спрыяў ваш удзел у выбарах дэмакратызацыі Беларусі?

Гэтыя пытаньні "Свабода" задавала былым кандыдатам у прэзыдэнты. Андрэй Саньнікаў, як і Мікола Статкевіч, праз год пасьля выбараў застаецца за кратамі. Інтэрвію адкладваецца.




Андрэй Саньнікаў


Нарадзіўся ў Менску 8 сакавіка 1954 г. Скончыў 42-ю менскую школу, перакладніцкі факультэт Інстытуту замежных моваў. У Пакістане і Эгіпце працаваў у нафтавай кампаніі і на будаўніцтве алюміневага заводу. Працаваў у Таварыстве дружбы з замежнымі краінамі. Скончыў Дыпляматычную акадэмію Міністэрства замежных справаў СССР у Маскве. Працаваў у сакратарыяце ААН у Нью-Ёрку, быў дарадцам прадстаўніцтва Рэспублікі Беларусь у Швайцарыі.

У 1995-1996 г. намесьнік міністра замежных справаў Беларусі. Пакінуў гэтую пасаду ў лістападзе 1996-га на знак пратэсту супраць рэфэрэндуму. У лістападзе 1997-га стаў стваральнікам і міжнародным каардынатарам грамадзянскай ініцыятывы «Хартыя’97». У 2008-м ініцыяваў грамадзянскую кампанію «Эўрапейская Беларусь». Ляўрэат міжнароднай прэміі імя Бруна Крайскага ў галіне абароны правоў чалавека (2005). Жанаты, мае двух сыноў.

Кандыдат на прэзыдэнцкіх выбарах 2010 г. Арыштаваны 19 сьнежня 2010 г. пасьля акцыі пратэсту супраць вынікаў выбараў і зьмешчаны ў сьледчы ізалятар КДБ. Абвінавачаны ў арганізацыі масавых беспарадкаў.

13 траўня 2011 году судзьдзя Партызанскага суду Менску Натальля Чацьвярткова прысудзіла Саньнікава да 5 гадоў калёніі ўзмоцненага рэжыму. Адбываў пакараньне ў Наваполацкай калёніі № 10, у Бабруйскай калёнію № 2, потым быў этапаваны ў папраўчую калёнію №3 у Віцебскім раёне. Праваабарончая арганізацыя «Міжнародная амністыя» прызнала Саньнікава вязьнем сумленьня.

Год пасьля выбараў


Дзьмітры Вус

Рыгор Кастусёў

Уладзімер Някляеў

Віталь Рымашэўскі

Алесь Міхалевіч

Віктар Цярэшчанка

Яраслаў Раманчук

Мікола Статкевіч

Паказаць камэнтары

XS
SM
MD
LG