8 сьнежня Магілёўскі абласны суд не задаволіў скаргу арганізатаркі Народнага сходу ў Бабруйску Галіны Сьмірновай. Актывістка Аб’яднанай грамадзянскай партыі абскарджвала пастанову судзьдзі Бабруйскага суду Натальлі Шэгеда, якая прызнала яе вінаватай ва ўдзеле ў несанкцыянаваным мерапрыемстве 8 кастрычніка і пакарала адміністрацыйным арыштам на 5 сутак.
Скаргу Галіны Сьмірновай разглядаў судзьдзя Уладзімер Навітанюк. Ён не знайшоў падставаў, каб яе задаволіць.
«У іншым рашэньні я не сумнявалася. У нас што суд, што пракуратура, што міліцыя — усе за адно. Што тут можна яшчэ казаць. Буду абскарджваць і гэтае рашэньне», — заявіла Галіна Сьмірнова.
6 сьнежня Уладзімер Навітанюк пакінуў у сіле й вырак арганізатару Народнага сходу ў Магілёве Ўладзімеру Шанцаву. Старшыня абласной арганізацыі АГП таксама прызнаны вінаватым ва ўдзеле ў несанкцыянаваным мерапрыемстве 8 кастрычніка. 10 лістапада судзьдзя Ленінскага суду Магілёва Аксана Ратнікава пакарала актывіста штрафам за парушэньне закону «Аб масавых мерапрыемствах» на 1 мільён 400 тысячаў рублёў.
Галіна Сьмірнова і Ўладзімер Шанцаў у судах даводзілі, што не парушалі закону «Аб масавых мерапрыемствах». Актывісты заяўлялі, што Народныя сходы праводзілі паводле закону аб рэспубліканскіх і мясцовых сходах. Іх довады выслухоўваліся, але рашэньні прымаліся на падставе пратаколаў аб адміністрацыйных правапарушэньнях, складзеных супрацоўнікамі міліцыі.
Скаргу Галіны Сьмірновай разглядаў судзьдзя Уладзімер Навітанюк. Ён не знайшоў падставаў, каб яе задаволіць.
«У іншым рашэньні я не сумнявалася. У нас што суд, што пракуратура, што міліцыя — усе за адно. Што тут можна яшчэ казаць. Буду абскарджваць і гэтае рашэньне», — заявіла Галіна Сьмірнова.
6 сьнежня Уладзімер Навітанюк пакінуў у сіле й вырак арганізатару Народнага сходу ў Магілёве Ўладзімеру Шанцаву. Старшыня абласной арганізацыі АГП таксама прызнаны вінаватым ва ўдзеле ў несанкцыянаваным мерапрыемстве 8 кастрычніка. 10 лістапада судзьдзя Ленінскага суду Магілёва Аксана Ратнікава пакарала актывіста штрафам за парушэньне закону «Аб масавых мерапрыемствах» на 1 мільён 400 тысячаў рублёў.
Галіна Сьмірнова і Ўладзімер Шанцаў у судах даводзілі, што не парушалі закону «Аб масавых мерапрыемствах». Актывісты заяўлялі, што Народныя сходы праводзілі паводле закону аб рэспубліканскіх і мясцовых сходах. Іх довады выслухоўваліся, але рашэньні прымаліся на падставе пратаколаў аб адміністрацыйных правапарушэньнях, складзеных супрацоўнікамі міліцыі.
