Адной з тэмаў сёньняшняга пасяджэньня міністраў замежных справаў краінаў Эўразьвязу будзе абмеркаваньне сытуацыі з правамі чалавека ў Беларусі.
Паводле брусэльскага карэспандэнта Радыё Свабода, гаворкі пра новыя санкцыі супраць Менску ня будзе, але магчыма, што найбліжэйшымі днямі да сьпісу 208 службовых асобаў зь Беларусі, якім забаронены ўезд у Эўразьвяз, будуць дададзеныя некалькі прозьвішчаў у сувязі з турэмным прысудам праваабаронцу Алесю Бяляцкаму. Асабліва Польшча націскае на пашырэньне візавай забароны ў дачыненьні да Менску.
Брусэль таксама намерваецца ўзмацніць сувязі зь беларускай апазыцыяй. Камісар у пытаньнях пашырэньня Эўразьвязу і палітыкі суседзтва Штэфан Фюле рыхтуе плян захадаў пад назвай «Новая пэрспэктыва для Беларусі». Мяркуецца, што гэты плян будзе прадстаўлены на наступным тыдні.
Прэс-сакратар камісара Фюле, Пэтэр Станя, сказаў нашаму карэспандэнту, што дэталі пляну яшчэ дапрацоўваюцца.
«Адна частка гэтага павялічанага і палепшанага супрацоўніцтва зь Беларусьсю будзе датычыць большай падтрымкі беларускай грамадзянскай супольнасьці і палітычнай апазыцыі. Каб весьці рэгулярны дыялёг ды абменьвацца поглядамі і ацэнкамі з палітычнай апазыцыяй і грамадзянскай супольнасьцю. Беларусь апынулася ў сытуацыя, калі немагчыма весьці нармальны дыялёг з уладамі. І гэтага нармальнага дыялёгу з уладамі ня будзе, пакуль будуць ісьці працэсы над журналістамі, актывістамі і праваабаронцамі» — сказаў Стана.
Галоўным пытаньнем сёньняшняй сустрэчы ў Брусэлі будзе рэакцыя Эўразьвязу на атаку на брытанскую амбасаду ў Тэгеране 29 лістапада і на нядаўні даклад МАГАТЭ, які сьцьвярджае, што Іран працягвае працу над праграмай атрыманьня ядзернай зброі.
Міністры замежных справаў Эўразьвязу таксама абмяркуюць наданьне Сэрбіі статусу кандыдата.
Паводле брусэльскага карэспандэнта Радыё Свабода, гаворкі пра новыя санкцыі супраць Менску ня будзе, але магчыма, што найбліжэйшымі днямі да сьпісу 208 службовых асобаў зь Беларусі, якім забаронены ўезд у Эўразьвяз, будуць дададзеныя некалькі прозьвішчаў у сувязі з турэмным прысудам праваабаронцу Алесю Бяляцкаму. Асабліва Польшча націскае на пашырэньне візавай забароны ў дачыненьні да Менску.
Брусэль таксама намерваецца ўзмацніць сувязі зь беларускай апазыцыяй. Камісар у пытаньнях пашырэньня Эўразьвязу і палітыкі суседзтва Штэфан Фюле рыхтуе плян захадаў пад назвай «Новая пэрспэктыва для Беларусі». Мяркуецца, што гэты плян будзе прадстаўлены на наступным тыдні.
Прэс-сакратар камісара Фюле, Пэтэр Станя, сказаў нашаму карэспандэнту, што дэталі пляну яшчэ дапрацоўваюцца.
«Адна частка гэтага павялічанага і палепшанага супрацоўніцтва зь Беларусьсю будзе датычыць большай падтрымкі беларускай грамадзянскай супольнасьці і палітычнай апазыцыі. Каб весьці рэгулярны дыялёг ды абменьвацца поглядамі і ацэнкамі з палітычнай апазыцыяй і грамадзянскай супольнасьцю. Беларусь апынулася ў сытуацыя, калі немагчыма весьці нармальны дыялёг з уладамі. І гэтага нармальнага дыялёгу з уладамі ня будзе, пакуль будуць ісьці працэсы над журналістамі, актывістамі і праваабаронцамі» — сказаў Стана.
Галоўным пытаньнем сёньняшняй сустрэчы ў Брусэлі будзе рэакцыя Эўразьвязу на атаку на брытанскую амбасаду ў Тэгеране 29 лістапада і на нядаўні даклад МАГАТЭ, які сьцьвярджае, што Іран працягвае працу над праграмай атрыманьня ядзернай зброі.
Міністры замежных справаў Эўразьвязу таксама абмяркуюць наданьне Сэрбіі статусу кандыдата.
