Прадстаўніца АБСЭ ў пытаньнях свабоды СМІ Дуня Міятавіч выказала занепакоенасьць з нагоды росту колькасьці журналістаў, якія зазнаюць перасьлед з боку паліцыі падчас асьвятленьня пратэстаў пад лёзунгам «Захапі Ўол-стрыт» на тэрыторыі Злучаных Штатаў.
Заяву Дуні Міятавіч цытуе сайт Беларускай асацыяцыі журналістаў.
«Праваахоўныя органы павінны паважаць правы журналістаў, якія асьвятляюць пратэсты пад лёзунгам «Захапі Ўол-стрыт», – такую назву мае заява прадстаўніка АБСЭ ў пытаньнях свабоды СМІ Дуні Міятавіч, што апублікаваная на яе афіцыйным сайце. З заявы вынікае, што прынамсі восем рэпарцёраў і фатографаў былі затрыманыя падчас асьвятленьня пратэстаў – сярод іх журналісты, якія былі дакладна ідэнтыфікаваныя як прадстаўнікі канкрэтных СМІ.
«Няма ніякіх сумневаў, што рэпарцёры і фатографы маюць права назіраць, здымаць, запісваць і паведамляць пра падзеі, якія навідавоку, – адзначае Міятавіч. – Асьвятленьне ў СМІ публічных мерапрыемстваў зьяўляецца асновай грамадзянскага кантролю за дзейнасьцю ўраду, і затрымліваць рэпарцёраў, якія асьвятляюць гэтыя падзеі – г. зн. ставіць пад пагрозу свабоду сродкаў масавай інфармацыі».
«Журналісты не абавязаныя бараніць сваё права на асьвятленьне пытаньняў грамадзкай важнасьці, – адзначае Міятавіч. – Парушэньне права аднаго рэпарцёра ўплывае на ўсіх грамадзян. Надышоў час, каб мясцовыя чыноўнікі запатрабавалі ад сваіх праваахоўных органаў паважаць правы і абавязкі СМІ пры асьвятленьні грамадзкіх і дзяржаўных пытаньняў».
Сёньня ў Нью-Ёрку паліцыя дэмантавала намётавы лягер удзельнікаў акцыі «Захапі Ўол-стрыт». Плошча Дзукоці-парк на Мангэтане, дзе лягер месьціўся зь сярэдзіны верасьня, да раніцы аўторка была ачышчаная ад намётаў і іншых збудаваньняў, якія, на думку ўладаў, перашкаджаюць нармальнаму доступу да ўстановау ў ваколіцах плошчы. Пры разгоне лягеру яго насельнікі скандавалі лёзунг аб «99 працэнтах» – на іх думку, рух «Захапі Ўол-стрыт» прадстаўляе інтарэсы абсалютнай большасьці амэрыканцаў.
Напярэдадні такія ж лягеры былі ліквідаваныя паліцыяй яшчэ ў некалькіх гарадах.
Сутыкненьні дэманстрантаў з паліцыяй прайшлі ў Оклендзе (штат Каліфорнія), Нью-Ёрку, Нашвіле, Тэнэсі і ў Атлянце (штат Джорджыя). Апошнія арышты адбыліся на мінулым тыдні, калі два журналісты, якія здымаюць для ўнівэрсытэцкіх газэт у штаце Джорджыя, былі зьмешчаныя ў турму на 14 гадзін. Іх абвінавацілі ў «перашкодах руху» пры асьвятленьні дэманстрацыі «Захапі Атлянту». Суд будзе разглядаць іх справы ў сакавіку 2012 году. У штаце Мілуокі фатограф «The Journal Sentinel» Крысьціна Вэнц-Графі была затрыманая, калі фатаграфавала дэманстрацыі ва ўнівэрсытэце Вісконсін-Мілуокі. Ёй не былі выстаўленыя абвінавачаньні пасьля таго, як з дапамогай відэаматэрыялаў было даказана, што яна прысутнічала на мітынгу ў якасьці журналіста.
Рух «Захапі Ўол-стрыт» паўстаў 17 верасьня ў Нью-Ёрку і пашыраецца ўжо два месяцы. Яго ўдзельнікі выказваюць пратэст супраць злоўжываньняў, якія, у іх уяўленьні, дапускаюць фінансавыя інстытуты ЗША і транснацыянальныя карпарацыі. За гэты час акцыя распаўсюдзілася ня толькі на многія гарады ЗША, але і на іншыя краіны і суправаджалася арыштамі сотняў яе ўдзельнікаў, у тым ліку рэпарцёраў, якія выконваюць сваю прафэсійную працу для інфармаваньня грамадзянаў.
Заяву Дуні Міятавіч цытуе сайт Беларускай асацыяцыі журналістаў.
«Праваахоўныя органы павінны паважаць правы журналістаў, якія асьвятляюць пратэсты пад лёзунгам «Захапі Ўол-стрыт», – такую назву мае заява прадстаўніка АБСЭ ў пытаньнях свабоды СМІ Дуні Міятавіч, што апублікаваная на яе афіцыйным сайце. З заявы вынікае, што прынамсі восем рэпарцёраў і фатографаў былі затрыманыя падчас асьвятленьня пратэстаў – сярод іх журналісты, якія былі дакладна ідэнтыфікаваныя як прадстаўнікі канкрэтных СМІ.
«Няма ніякіх сумневаў, што рэпарцёры і фатографы маюць права назіраць, здымаць, запісваць і паведамляць пра падзеі, якія навідавоку, – адзначае Міятавіч. – Асьвятленьне ў СМІ публічных мерапрыемстваў зьяўляецца асновай грамадзянскага кантролю за дзейнасьцю ўраду, і затрымліваць рэпарцёраў, якія асьвятляюць гэтыя падзеі – г. зн. ставіць пад пагрозу свабоду сродкаў масавай інфармацыі».
«Журналісты не абавязаныя бараніць сваё права на асьвятленьне пытаньняў грамадзкай важнасьці, – адзначае Міятавіч. – Парушэньне права аднаго рэпарцёра ўплывае на ўсіх грамадзян. Надышоў час, каб мясцовыя чыноўнікі запатрабавалі ад сваіх праваахоўных органаў паважаць правы і абавязкі СМІ пры асьвятленьні грамадзкіх і дзяржаўных пытаньняў».
Сёньня ў Нью-Ёрку паліцыя дэмантавала намётавы лягер удзельнікаў акцыі «Захапі Ўол-стрыт». Плошча Дзукоці-парк на Мангэтане, дзе лягер месьціўся зь сярэдзіны верасьня, да раніцы аўторка была ачышчаная ад намётаў і іншых збудаваньняў, якія, на думку ўладаў, перашкаджаюць нармальнаму доступу да ўстановау ў ваколіцах плошчы. Пры разгоне лягеру яго насельнікі скандавалі лёзунг аб «99 працэнтах» – на іх думку, рух «Захапі Ўол-стрыт» прадстаўляе інтарэсы абсалютнай большасьці амэрыканцаў.
Напярэдадні такія ж лягеры былі ліквідаваныя паліцыяй яшчэ ў некалькіх гарадах.
Сутыкненьні дэманстрантаў з паліцыяй прайшлі ў Оклендзе (штат Каліфорнія), Нью-Ёрку, Нашвіле, Тэнэсі і ў Атлянце (штат Джорджыя). Апошнія арышты адбыліся на мінулым тыдні, калі два журналісты, якія здымаюць для ўнівэрсытэцкіх газэт у штаце Джорджыя, былі зьмешчаныя ў турму на 14 гадзін. Іх абвінавацілі ў «перашкодах руху» пры асьвятленьні дэманстрацыі «Захапі Атлянту». Суд будзе разглядаць іх справы ў сакавіку 2012 году. У штаце Мілуокі фатограф «The Journal Sentinel» Крысьціна Вэнц-Графі была затрыманая, калі фатаграфавала дэманстрацыі ва ўнівэрсытэце Вісконсін-Мілуокі. Ёй не былі выстаўленыя абвінавачаньні пасьля таго, як з дапамогай відэаматэрыялаў было даказана, што яна прысутнічала на мітынгу ў якасьці журналіста.
Рух «Захапі Ўол-стрыт» паўстаў 17 верасьня ў Нью-Ёрку і пашыраецца ўжо два месяцы. Яго ўдзельнікі выказваюць пратэст супраць злоўжываньняў, якія, у іх уяўленьні, дапускаюць фінансавыя інстытуты ЗША і транснацыянальныя карпарацыі. За гэты час акцыя распаўсюдзілася ня толькі на многія гарады ЗША, але і на іншыя краіны і суправаджалася арыштамі сотняў яе ўдзельнікаў, у тым ліку рэпарцёраў, якія выконваюць сваю прафэсійную працу для інфармаваньня грамадзянаў.