Лінкі ўнівэрсальнага доступу

На Тацяну Севярынец склалі новы пратакол


Тацяна Севярынец

Тацяна Севярынец

Да яе дахаты прыйшоў супрацоўнік Кастрычніцкага РАУС, каб перарабіць адміністрацыйны пратакол, складзены на актывістку за арганізацыю Народнага сходу 8 кастрычніка. Мінулым разам міліцыянты забыліся пазначыць, што яе паўторна вінавацяць па адным і тым самым артыкуле. А гэта прадугледжвае больш строгае пакараньне.

Спадарыня Тацяна даведалася, што першы пратакол, ужо перададзены ў Кастрычніцкі райсуд, вярнуўся назад у міліцыю — на «дапрацоўку». Новы варыянт дакумэнту адрозьніваецца ад папярэдняга тым, што Тацяна Севярынец была ў ліку арганізатараў менавіта сходу грамадзян — цяпер міліцыянты таксама прызналі, што гэта быў не мітынг і не пікет. Але пазначана, што ён праходзіў «з парушэньнем парадку правядзеньня масавых мерапрыемстваў».

Якія менавіта парушэньні заўважылі міліцыянты, Тацяна Севярынец, якая былы сакратаром сходу, так і не даведалася.

Да Ірыны Яскевіч, якая вяла сход 8 кастрычніка, таксама зьбіраліся зайсьці міліцыянты. І мэта была тая самая — каб перапісаць пратакол нанова, бо стары судзьдзя Іна Грабоўская разглядаць адмовілася, сказаўшы, што зь яго не відаць складу правапарушэньня.

Аднак спадарыня Ірына заявіла, што міліцыянтаў да сябе ў кватэру ня пусьціць. А калі яны захочуць пазнаёміць яе з новым пратаколам — няхай дасылаюць афіцыйную позву.
XS
SM
MD
LG