У Бабруйску паўторна дапыталі двух удзельнікаў мясцовай акцыі, якая праводзілася 2 лістапада ў памяць ахвяраў палітычных рэпрэсій. У Арцёма Мархасёва ды Марыі Івановай міліцыянты выпытвалі, хто арганізаваў акцыю. Пасьля пратаколу апытаньня на моладзевых актывістаў склалі й пратаколы аб адміністрацыйным правапарушэньні.
Прабылі актывісты ў міліцыі па паўтары гадзіны.
Актывіста Аб’яднанай грамадзянскай партыі Арцёма Мархасёва дапытваў супрацоўнік Першамайскага аддзелу міліцыі Аляксей Гангараў.
Мархасёў: «У пратаколе аб адміністрацыйным правапарушэньні былі толькі некалькі слоў з таго, што я казаў для пратаколу апытаньня. Адразу было відаць, што яго пісалі да майго допыту. Настойліва задавалі пытаньні, зьвязаныя з тым, хто арганізаваў шэсьце са сьвечкамі. Але напраўду не было арганізатараў. Мы спантанна вырашылі так зрабіць. Я размаўляў пасьля допыту з Марыяй Іванановай, і яе схілялі да таго, каб яна назвала арганізатарам Віктара Бузінаева, які цяпер на „сутках“ за Народны сход. Што далей будзе з пратаколамі, нам не сказалі, але мне падаецца, што неўзабаве будзе позва ў суд. У пратаколе я абвінавачваюся ва ўдзеле ў шэсьці, на якім я нібыта выказваў незадавальненьне сытуацыяй у краіне ды прыцягваў увагу грамадзян».
Акрамя Арцёма Мархасёва й Марыі Івановай у міліцыю праз тэлефон выклікалі яшчэ двух удзельнікаў памінальнай акцыі Алену й Дзьмітрыя Тоўсьцікаў. Ісьці на допыт бяз позвы тыя адмовіліся.
Чатырох удзельнікаў памінальнай акцыі са сьвечкамі ў руках затрымалі 2 лістапада ўвечары непадалёк ад Сьвята-Мікалаеўскага сабору Бабруйску. Блякавалі на вуліцы Гогаля, гвалтам зацягнулі ў службовую машыну й даставілі ў пастарунак. Там склалі пратаколы затрыманьня. Пасьля дзьвюхгадзіннай няволі адпусьцілі.
Актывісты хацелі ўшанаваць памяць рэпрэсаваных каля памятнага знаку на плошчы Перамогі. Да яе не дайшлі.
Прабылі актывісты ў міліцыі па паўтары гадзіны.
Актывіста Аб’яднанай грамадзянскай партыі Арцёма Мархасёва дапытваў супрацоўнік Першамайскага аддзелу міліцыі Аляксей Гангараў.
Адразу было відаць, што яго пісалі да майго допыту
Мархасёў: «У пратаколе аб адміністрацыйным правапарушэньні былі толькі некалькі слоў з таго, што я казаў для пратаколу апытаньня. Адразу было відаць, што яго пісалі да майго допыту. Настойліва задавалі пытаньні, зьвязаныя з тым, хто арганізаваў шэсьце са сьвечкамі. Але напраўду не было арганізатараў. Мы спантанна вырашылі так зрабіць. Я размаўляў пасьля допыту з Марыяй Іванановай, і яе схілялі да таго, каб яна назвала арганізатарам Віктара Бузінаева, які цяпер на „сутках“ за Народны сход. Што далей будзе з пратаколамі, нам не сказалі, але мне падаецца, што неўзабаве будзе позва ў суд. У пратаколе я абвінавачваюся ва ўдзеле ў шэсьці, на якім я нібыта выказваў незадавальненьне сытуацыяй у краіне ды прыцягваў увагу грамадзян».
Акрамя Арцёма Мархасёва й Марыі Івановай у міліцыю праз тэлефон выклікалі яшчэ двух удзельнікаў памінальнай акцыі Алену й Дзьмітрыя Тоўсьцікаў. Ісьці на допыт бяз позвы тыя адмовіліся.
Чатырох удзельнікаў памінальнай акцыі са сьвечкамі ў руках затрымалі 2 лістапада ўвечары непадалёк ад Сьвята-Мікалаеўскага сабору Бабруйску. Блякавалі на вуліцы Гогаля, гвалтам зацягнулі ў службовую машыну й даставілі ў пастарунак. Там склалі пратаколы затрыманьня. Пасьля дзьвюхгадзіннай няволі адпусьцілі.
Актывісты хацелі ўшанаваць памяць рэпрэсаваных каля памятнага знаку на плошчы Перамогі. Да яе не дайшлі.