Міліцыянты затрымалі трох маладых людзей, якія кінулі яйкі ў помнік Леніну на плошчы Незалежнасьці ў Менску.
Пры гэтым маладзёны выкрыквалі «Камунізм пад трыбунал».
Удзельнікі акцыі — сябры «Маладога фронту» Раман Васільеў, Міхаіл Мускі, Павал Сяргей.
Юнакі выказвалі сваё стаўленьне да камунізму ў дзень бальшавіцкага перавароту — 7 лістапада, паведамляе прэсавая служба МФ.
Інцыдэнт адбыўся ў той час, калі прадстаўнікі праўладнай камуністычнай партыі ўскладалі кветкі. Ля помніка Леніну ў той момант знаходхзілася некалькі дзясяткаў чалавек.
