Лінкі ўнівэрсальнага доступу

Фотафакт ад Рыгора Кастусёва: Перавернуты дзяржаўны сьцяг на ваенкамаце


Рыгор Кастусёў 5 лістапада сфатаграфаваў афіцыйны сьцяг Беларусі на будынку Шклоўскага райваенкамату зь перавернутымі колерамі — зялёным уверсе, чырвоным унізе. Фота намесьнік старшыні партыі БНФ даслаў «Свабодзе».

Кастусёў: «У Шклоў я прыехаў па сваіх справах раніцай. Убачыў на ваенкамаце перавернуты сьцяг — падумаў, перавесяць. Бліжэй да другой паловы дня карціна не зьмянілася. Я выйшаў з машыны й сфатаграфаваў. Навокал было багата людзей, але ніхто не зьвяртаў на сьцяг увагі.

Вось табе й дзяржаўная ідэалёгія. Ёй тлумяць людзям галаву амаль дваццаць гадоў — і плёну ніякага. У ваенкамаце ж працуюць адукаваныя людзі — вайскоўцы. Ім жа бараніць, як кажа Лукашэнка, краіну, а яны сьцяг вывесіць ня могуць.

Як тут не прыгадаць Ціцянкова, які рваў бел-чырвона-белы сьцяг на шматкі — дзе ён цяпер? Вінаватым, зразумела, зробяць якогасьці дворніка, які апынецца крайнім».

У ваенкамаце праз тэлефон запэўнілі, што сытуацыі зь перавернутым сьцягам на іх будынку ня можа быць, і паабяцалі паглядзець.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG