Лінкі ўнівэрсальнага доступу

«ЭЗ ня можа бязьдзейна назіраць за дзеяньнямі Лукашэнкі»


Марылюіза Бэк

Марылюіза Бэк

Такую заяву напярэдадні судовага працэсу над кіраўніком праваабарончага цэнтру «Вясна» Алесем Бяляцкім зрабілі дэпутат Бундэстагу ад партыі зялёных, каардынатар у пытаньні Ўсходняй Эўропы Марылюіза Бэк і віцэ-прэзыдэнт нямецкага парлямэнту Катрын Герынг-Экард (яна ж апякун палітвязьня ў рамках кампаніі праваабарончай кампаніі «Libereco — Partnership for Human Rights»).

«Лукашэнку нельга давяраць — ягоныя словы аб вызваленьні ўсіх палітвязьняў да канца кастрычніка нічога ня вартыя, адзначаюць нямецкія палітыкі. Тым ня менш, Беларусь павінна неадкладна і без усялякіх умоваў вызваліць ўсіх палітзьняволеных і рэабілітаваць іх», — адзначаюць нямецкія палітыкі.

Як мяркуюць Герынг-Экард і Бэк, трагічна, тое, «што часткова вінаватымі ў крымінальным перасьледзе Бяляцкага» ёсьць такія краіны ЭЗ як Літва ды Польшча, якія раскрылі Менску інфармацыю адносна банкавых рахункаў «Вясны»«.

«Гэты прэцэдэнт нанёс вялікую шкоду надзейнасьці і імкненьню ЭЗ актыўна падтрымліваць грамадзянскую супольнасьць у Беларусі. Ён таксама дэманструе неадэкватнасць інструмэнтаў Зьвязу ў барацьбе з дыктатурамі, гэтыя інструмэнты павінны быць неадкладна перагледжаныя.

ЭЗ ня можа бязьдзейна назіраць за дзеяньнямі Лукашэнкі. Напрыклад, у Беларусі — краіне, дзе рэжым наступае на грамадзянскую супольнасьць, непрымальна праводзіць першынства сьвету па хакеі −2014», — перакананыя Катрын Герынг-Экард і Марылюіза Бэк.

Паказаць камэнтары

XS
SM
MD
LG