УДЗЕНЬ...
...пераменная воблачнасьць, без дажджу. Уначы тэмпэратура каля нуля, удзень – +2 – +4.
СЁНЬНЯ Ў БЕЛАРУСІ І СЬВЕЦЕ
Лекцыя Сяргея Харэўскага з цыклу “Urbi et Orbi” “Колькі шчыгулаў да разуменьня Менску” а 18.30 у “Галерэі Шчамялёва”, Менск, пр-т Ракасоўскага, 49.
Аляксандар Лукашэнка зь візытам у Таджыкістане.
У Маскве ў гістарычнай сядзібе адчыняецца тэатар «Бальшой».
ТАКСАМА Ў ГЭТЫ ДЗЕНЬ
1523 – у Кракаве выйшла з друку лацінская паэма Міколы Гусоўскага “Песьня пра зубра”.
1886 – у Нью-Ёрку адбылося адкрыцьцё Статуі Свабоды.
1939 – у Беластоку пачаў працу Народны Сход Заходняй Беларусі, які прыняў Дэклярацыю пра ўключэньне Заходняе Беларусі ў склад БССР. Папярэднічалі сходу выбары, на якіх былі абраныя 926 дэпутатаў. Народны сход меў фармальны характар, бо праводзіўся пад поўным кантролем уладаў.
1962 – савецкі кіраўнік Мікіта Хрушчоў абвясьціў пра вывад савецкіх ядзерных ракетаў з Кубы. Карыбскі ракетны крызыс перад тым быў паставіў сьвет на мяжу ядзернай вайны.
28 кастрычніка – дзяржаўнае сьвята ў Чэскай Рэспубліцы, якое афіцыйна называецца Днём узьнікненьня незалежнай чэхаславацкай дзяржавы. Адбылося гэтае ўзьнікненьне ў 1918 годзе.
У гэты дзень нарадзіліся:
1885 – Велімір Хлебнікаў, расейскі паэт.
1903 — Іўлін Во, ангельскі пісьменьнік.
1912 – Джэксан Полак, амэрыканскі жывапісец, заснавальнік гэтак званага жывапісу дзеяньня.
1955 – Біл Гэйтс, заснавальнік кампутарнай кампаніі «Майкрасофт».
1967 – Джулія Робэртс, амэрыканская акторка.
У гэты дзень памерлі:
1704 – Джон Лок, ангельскі філёзаф.
1998 – Тэд Х’юз, ангельскі паэт.
МІНУС 365:
Вершы пад наглядам КДБ.
ЦЫТАТА НА ПАМЯЦЬ:
Асновай усялякай цноты і ўсялякай добрай якасьці зьяўляецца здольнасьць чалавека адмаўляцца ад задавальненьня сваіх жаданьняў, калі розум не ўхваляе іх.
Джон Лок
