Лінкі ўнівэрсальнага доступу

Былы палітвязень Аляксандар Малчанаў асуджаны на 10 сутак адміністрацыйнага арышту за непадпарадкаваньне супрацоўнікам міліцыі.

Такое рашэньне прыняў 27 кастрычніка суд Барысаўскага раёну.

"Суд пачаўся а 10 гадзіне 30 хвілінаў, аднак быў адкладзены на 14-й гадзіне, бо не зьявіўся сьведка — супрацоўнік міліцыі. У 14 гадзін сьведка зьявіўся, суд выслухаў яго і прысудзіў Малчанаву 10 сутак адміністрацыйнага арышту", — паведаміла БелаПАН праваабаронца Наста Лойка.

Міліцыянты затрымалі Малчанава ноччу 27-га кастрычніка.

Маці Малчанава Галіна кажа, што сын прыехаў дадому прыкладна а палове на другую ўначы, пачаў заганяць сваю машыну ў двор, і ў гэты момант да яго пад’ехалі ажно тры міліцэйскія машыны. Падчас затрыманьня хлопца павалілі на зямлю. У хаце прайшоў ператрус. Канфіскаваны кампутар.

Маці ўсю ноч тэлефанавала ў міліцыю, хацела даведацца пра сына. Дзяжурны міліцыянт увесь час зь яе сьмяяўся, не даваў інфармацыі.

Аляксандар Малчанаў за ўдзел у падзеях 19 сьнежня 2010 году быў асуджаны на 3 гады пазбаўленьня волі ў калёніі ўзмоцненага рэжыму. Адбываў пакараньне ў Магілёве. 14 верасьня вызвалены паводле ўказу Лукашэнкі аб памілаваньні.
XS
SM
MD
LG