Лінкі ўнівэрсальнага доступу

«Улады будуць выкарыстоўваць ня толькі пернік, але і пугу»


Юры Чавусаў
Юры Чавусаў

Ці можа стаць страйк барысаўскіх камунальшчыкаў прыкладам для іншых? Якімі мэтадамі — пугай ці пернікам — улада будзе імкнуцца спыніць сацыяльныя пратэсты? Адказвае палітоляг Юры Чавусаў.


Цыганкоў: Ці можа барысаўскі выпадак стаць адлюстраваньнем таго, як можа разьвівацца сытуацыя ў Беларусі ў наступныя месяцы? Выхаду палітычных актывістаў на вуліцы не адбылося, але можа выбухнуць там, дзе не прысутнічае палітычная апазыцыя, калі незадаволеныя заробкам людзі пачнуць выказваць свій пратэст?

Чавусаў: Гэты сцэнар быў прагназаваны. Улады якраз баяцца спантанных пратэстаў, калі загадзя не прызначаны час і месца, калі не вядома, дзе палыхне. Гэта якраз тое, супраць чаго ўлада зараз нарошчвае рэпрэсіўны апарат. Апазыцыя знаходзіцца пад кантролем, кантраляваць спантанныя пратэсты значна цяжэй. І гэтая задача зараз пастаўлена перад новымі сілавікамі, якія ўзмацняюцца.

Цыганкоў: Але ці можа быць эфэктыўны тут рэпрэсіўны апарат? Рэпрэсіямі можна змагацца супраць апазыцыйных актывістаў, якіх супрацоўнікі органаў ведаюць у твар, і якіх могуць атачыць у кватэры ў дзень акцыі. Але супраць спантанных сацыяльных пратэстаў, можа, больш падыходзіць мэтад перніка, паступовае падкідваньне грошай на самыя небясьпечныя ўчасткі?

Чавусаў: Існуюць розныя мэтодыкі. Я мяркую, улады будуць выкарыстоўваць наступную: пернік — той сацыяльнай групе, дзе выбухнуў пратэст, але жорсткі бізун — тым лідэрам, якія былі ў авангардзе пратэсту. Да прыкладу, ініцыятараў страйку — пакараць, звольніць, але памер заробку на тым прадпрыемстве павялічыць.
Чакаць таго, што ўлады будуць выкарыстоўваць толькі пернік, не выпадае, бо пернікаў на ўсіх у краіне не хапае.

Чакаць таго, што ўлады будуць выкарыстоўваць толькі пернік, не выпадае, бо пернікаў на ўсіх у краіне не хапае. Улады, відавочна, зрабілі выснову, што прасьцей фінансава насыціць патрэбы праваахоўных органаў, зьліць іх у адзіны кулак, і біць гэтым кулаком па ўсіх праявах пратэсту ў грамадзтве. У гэтым сэнсе палітычная апазыцыя — толькі адзін з пратэстных ачагоў, які для ўладаў зразумелы і ня цягне вялікіх нечаканасьцяў.

Цыганкоў: Ці ня можа барысаўскі прыклад, калі ў грамадзтве шырока распаўсюдзіцца інфармацыя пра тое, што ўлады ўсё ж пайшлі на саступкі, стаць каталізатарам, і людзі скажуць «аказваецца, можна патрабаваць ад уладаў»?

Чавусаў: Крызіс ахапіў беларускую прамысловасьць. Тыя прадпрыемствы, якія падтрымліваліся за кошт іншых галінаў гаспадаркі, цяпер знаходзяцца ў цяжкім стане. І ўлады ня могуць забясьпечыць усім на такіх прадпрыемствах жаданы ўзровень. Адпаведна пратэсты непазьбежныя. Казаць, дзе выбухне наступны раз — сэнсу няма, бо можа выбухнуць паўсюль.
  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода». На беларускай Свабодзе ад 1994 году. Карэспандэнт расейскай Свабоды ў Беларусі.
     

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG