Лінкі ўнівэрсальнага доступу

Гомель: апазыцыянэры скардзяцца на міліцыю ў пракуратуру


Грамадзкія актывісты Ўладзімер Кацора, Валер Сляпухін і Ўладзімер Няпомняшчых аспрэчваюць у пракуратуры неправамерныя дзеяньні міліцыі Цэнтральнага й Чыгуначнага раёнаў.

Напярэдадні Народнага сходу Ўладзімера Няпомняшчых трымалі ў ізалятары за расклейку налепак пра акцыі. Суд пасьля двойчы пакараў Няпомняшчых штрафам — і за расклейку, і нібыта за лаянку.

Уладзімера Кацору затрымалі й накіравалі ў ізалятар 8 кастрычніка, у дзень Народнага сходу, за распаўсюд ад свайго імя запрашэньняў на Народны сход. На падставе міліцэйскага пратаколу яго аштрафавалі на 350 тысяч рублёў. А як быць зь ягоным прэвэнтыўным арыштам? Чалавек правёў у ізалятары двое сутак, трымаў на знак пратэсту сухую галадоўку.

Валера Сьляпухіна, ініцыятара Народнага сходу вуліцы Юбілейнай, міліцыя затрымала й зьмясьціла на суткі ў ізалятар 10 кастрычніка. Судзьдзя Чыгуначнага раёну Ільля Сьвірыдаў пакараў Сьляпухіна адміністрацыйным штрафам у памеры 40 базавых велічыняў, што адпавядае 1 мільёну 400 тысячам рублёў. Пры гэтым было заяўлена, што ў выпадку са спадаром Сьляпухіным закон "Аб рэспубліканскіх і мясцовых сходах" ня дзейнічае.

Гомельскі праваабаронца, юрыст Леанід Судаленка лічыць, што міліцыя перавышае свае паўнамоцтвы, калі без суду адпраўляе грамадзкіх актывістаў за краты.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG