19 кастрычніка на гарадзкой канфэрэнцыі Таварыства беларускай мовы сябра гэтай арганізацыі, былы кандыдат на прэзыдэнцтва Рыгор Кастусёў заявіў, што зацьверджаная старшынём аблвыканкаму Пятром Руднікам у 2009 годзе праграма папулярызацыі беларускай мовы на Магілёўшчыне не выконваецца.
Кастусёў у сваім выступе зазначыў, што Магілёў у пытаньні пашырэньня беларускай мовы горш выглядае, чым райцэнтры Шклоў і Бялынічы. Беларускамоўныя ўказальнікі, паводле яго, на ўезьдзе ў Магілёў памянялі на расейскамоўныя.
Палітык прапанаваў дамагчыся сустрэчы з старшынём аблвыканкаму Пятром Руднікам, на якой узьняць пытаньні пашырэньня беларускай мовы ў публічным жыцьці.
Яшчэ адзін дэлегат канфэрэнцыі Міхась Булавацкі назваў цяперашні стан нацыянальнай мовы беларусаў як мова-сувэнір. Паводле актывіста, мова гучыць толькі на адмысловых мерапрыемствах — калі яны завяршаюцца, мовы ўжо не чуваць.
Праблему пашырэньня беларускай мовы, заяўлялі ў выступах дэлегаты канфэрэнцыі, найперш трэба пачынаць зь сябе. Што да ціску на чыноўнікаў, то, паводле гісторыка й сябра ТБМ Аляксандра Агеева, рабіць гэта неабходна і паасобку і калектыўна.
Апошняя канфэрэнцыя гарадзкой арганізацыі ТБМ праходзіла тры гады таму. Дзейнасьць арганізацыі дэлегаты пастанавілі прызнаць здавальняючай. Кіраўніком, як і на мінулай канфэрэнцыі, абралі Алега Дзьячкова. Абралі й раду арганізацыі. Справаздачна-выбарчая канфэрэнцыя гарадзкой арганізацыі ТБМ праходзіла напярэдадні зьезду ТБМ. На яго абралі двух дэлегатаў.
ТБМ у Магілёве праводзіць культурна-асьветніцкія мерапрыемствы, ладзіць вандроўкі, курсы беларускай мовы, праводзіць інфармацыйныя акцыі па абароне помнікаў архітэктуры.
Кастусёў у сваім выступе зазначыў, што Магілёў у пытаньні пашырэньня беларускай мовы горш выглядае, чым райцэнтры Шклоў і Бялынічы. Беларускамоўныя ўказальнікі, паводле яго, на ўезьдзе ў Магілёў памянялі на расейскамоўныя.
Палітык прапанаваў дамагчыся сустрэчы з старшынём аблвыканкаму Пятром Руднікам, на якой узьняць пытаньні пашырэньня беларускай мовы ў публічным жыцьці.
Яшчэ адзін дэлегат канфэрэнцыі Міхась Булавацкі назваў цяперашні стан нацыянальнай мовы беларусаў як мова-сувэнір. Паводле актывіста, мова гучыць толькі на адмысловых мерапрыемствах — калі яны завяршаюцца, мовы ўжо не чуваць.
Праблему пашырэньня беларускай мовы, заяўлялі ў выступах дэлегаты канфэрэнцыі, найперш трэба пачынаць зь сябе. Што да ціску на чыноўнікаў, то, паводле гісторыка й сябра ТБМ Аляксандра Агеева, рабіць гэта неабходна і паасобку і калектыўна.
Апошняя канфэрэнцыя гарадзкой арганізацыі ТБМ праходзіла тры гады таму. Дзейнасьць арганізацыі дэлегаты пастанавілі прызнаць здавальняючай. Кіраўніком, як і на мінулай канфэрэнцыі, абралі Алега Дзьячкова. Абралі й раду арганізацыі. Справаздачна-выбарчая канфэрэнцыя гарадзкой арганізацыі ТБМ праходзіла напярэдадні зьезду ТБМ. На яго абралі двух дэлегатаў.
ТБМ у Магілёве праводзіць культурна-асьветніцкія мерапрыемствы, ладзіць вандроўкі, курсы беларускай мовы, праводзіць інфармацыйныя акцыі па абароне помнікаў архітэктуры.