Лінкі ўнівэрсальнага доступу

Берасьце: Сяргея Алексіевіча дапыталі ў справе нападу на Дом правасудзьдзя


Belarus - House of Justice in Minsk, 12may2010

Belarus - House of Justice in Minsk, 12may2010

Непаўналетняга актывіста Сяргея Алексіевіча дапыталі ў Маскоўскім РАУС Берасьця ў справе падпалу Дома правасудзьдзя ў Менску 15 траўня.

Сяргей распавёў, што яго выклікалі і дапытвалі быццам бы ў якасьці сьведкі па гэтай справе, але пратакол не складалі.

"Мне патэлефанавалі яшчэ ўчора, каб прыйшоў у РАУС на гутарку ў любы зручны час на тыдні. Аднак сёньня атрымаў позву, што выклікаюся ў якасьці сьведкі. Праўда, там не паведамлялася, па якой справе. Калі прыйшоў у РАУС, то сказалі, што праходжу сьведкай па справе нападу на Палац правасудзьдзя. Пыталіся, дзе быў у той дзень, што рабіў… Зьдзівіла, што іх цікавіла, ці ўмею рабіць "кактэйль Молатава", — распавёў Сяргей Алексіевіч.

Пасьля гутарка перайшла й на іншыя тэмы, не зьвязаныя з падпалам Дома правасудзьдзя: "Яшчэ міліцыянтаў цікавіла, ці датычны я да "рэвалюцыі праз сацыяльныя сеткі" і Народнага сходу. Пыталіся, у якіх суполках сацыяльнай сеткі "Ўкантакце" я знаходжуся. Я сказаў ім, што ня памятаю".

У чэрвені ў Сяргея Алексіевіча адбываўся ператрус. Тады міліцыянты паказалі пастанову на ператрус паводле крымінальнай справы пра падпал Дома правасудзьдзя.

Алексіевіча некалькі разоў затрымлівалі міліцыянты напярэдадні маўклівых акцыяў.

Паказаць камэнтары

XS
SM
MD
LG