Курс рубля абваліўся: 8 710 за 1 даляр

Рынкавы курс беларускага рубля да даляра ЗША да дадатковай сэсіі Беларускай валютна-фондавай біржы зьнізіўся на 490 рублёў, або на 6%.

Рэзкае аслабленьне беларускага рубля ў сераду здарылася пасьля таго, як у аўторак ён патаньнеў на 3,8%. У панядзелак, 10 кастрычніка, гандаль далярам не адбываўся.

Зьніжэньне рынкавага курсу беларускага рубля ад пачатку дадатковай сэсіі на біржы (14 верасьня) склала 1,3%, перадае Інтэрфакс.