Нобэлеўская прэмія міру 2011 для змагарак за правы жанчын
Сёлетнюю Нобэлеўскую прэмію міру падзеляць між сабою Элен Джонсан-Сэрліф і Лейма Гбовэ зь Лібэрыі ды Тавакуль Карман зь Емэну. Нарвэскі нобэлеўскі камітэт прысудзіў ім гэтую прэмію "за негвалтоўнае змаганьне за бясьпеку жанчын і за іх права на ўдзел у пабудове мірнага сьвету".
Элен Джонсан-Сэрліф – прэзыдэнт Лібэрыі з 2006 году, першы прэзыдэнт-жанчына ў гісторыі Афрыкі. Лейма Гбовэ і Тавакуль Карман – актывісткі руху за роўныя правы для жанчын.
