Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

ЗРАНКУ...


... будзе сонечна, пазьней пачнуцца навальніцы з дажджом. Тэмпэратура: 11-16.

СЁНЬНЯ Ў БЕЛАРУСІ І СЬВЕЦЕ:


У Нацыянальнай бібліятэцы Аляксандар Лукашэнка дае прэс-канфэрэнцыю для прадстаўнікоў расейскіх СМІ.

У Палацы культуры вэтэранаў (вул. Я. Купалы, 21) канцэрт гурту сярэднявечнай музыкі «СТАРЫ ОЛЬСА».

У Осла ў нарвэскім парлямэнце агучаць прозьвішча сёлетняга ляўрэата Нобэлеўскай прэміі міру.

У Будапэшце сустракаюцца прэзыдэнты краінаў Вышаградзкай групы (Польшча, Чэхія, Славаччына, Вугоршчына).

У Дуброўніку на восеньскую сэсію зьбіраецца Парлямэнцкая асамблея АБСЭ.

У Бухарэсьце пачынаецца сэсія Парлямэнцкай асамблеі НАТО.

ТАКСАМА Ў ГЭТЫ ДЗЕНЬ


1977 – была ўхваленая апошняя Канстытуцыя СССР.

2001 – пачаліся амэрыканскія паветраныя ўдары па базах Усамы бін Лядэна ў Аўганістане.

7 кастрычніка – Сусьветны дзень усьмешкі. Дзень быў устаноўлены з ініцыятывы амэрыканскага мастака Харві Бэла. Мастак застаўся ў гісторыі дзякуючы таму, што ў 1963 ён годзе прыдумаў для адной страховачнай кампаніі лягатып, які сёньня вядомы ўсім карыстальнікам Інтэрнэту пад назвай «смайліка».

У гэты дзень нарадзіліся:

1765 – Міхал Клеафас Агінскі, дзяржаўны дзеяч Рэчы Паспалітай, дыплямат, кампазытар.

1788 – Іван Насовіч, беларускі мовазнавец-лексыкограф, фальклярыст, этнограф, аўтар «Слоўніка беларускай мовы», апублікаванага ў 1870 годзе.

1885 – Нільс Бор, дацкі фізык, ляўрэат Нобэлеўскай прэміі.

1931 – Дэсманд Туту, біскуп з Паўднёваафрыканскай рэспублікі, ляўрэат Нобэлеўскай прэміі міру.

1932 – Іван Пташнікаў, беларускі пісьменьнік.

1952 – Уладзімір Пуцін, расейскі прэзыдэнт і прэм’ер-міністар.

У гэты дзень памерлі:

1849 – Эдгар Алан По, амэрыканскі паэт, празаік, эсэіст, адна з вядучых постацяў амэрыканскага Рамантызму.

1939 – Раман Скірмунт, беларускі і польскі грамадзка-палітычны дзяяч.

2006 – Ганна Паліткоўская, расейская журналістка.

МІНУС 365:


Беларускія дэпутаты далі адказ Думе.


ЦЫТАТА НА ПАМЯЦЬ:


«Найлепшай зброяй дыктатуры зьяўляецца сакрэтнасьць; найлепшай зброяй дэмакратыі павінна быць адкрытасьць». Нільс Бор
XS
SM
MD
LG