Лінкі ўнівэрсальнага доступу

Халіп просіць першых лэдзі дапамагчы вызваліць Саньнікава


Ірына Халіп

Ірына Халіп

Ірына Халіп, жонка зьняволенага былога кандыдата на прэзыдэнты Андрэя Саньнікава, напісала лісты жонкам першых асобаў Францыі, ЗША, Польшчы і Вялікай Брытаніі і Расеі.

Халіп мае намер перадаць лісты ў амбасады краінаў, якімі кіруюць іх мужы.

Расейская "Новая газета" публікуе ліст, адрасаваны Сьвятлане Мядзьведзевай і Людміле Пуціна, у якім просіць дапамагчы вызваліць свайго мужа.

"Цяпер сытуацыю можна назваць крытычнай. Беларускія спэцслужбы робяць усё, каб ператварыць мяне ва ўдаву, а нашага сына - у сірату", - піша Халіп ў сваім звароце.

Яна нагадвае, што Саньнікаў "быў кінуты за краты ў дзень выбараў, яго прысудзілі да 5 гадоў пазбаўленьня волі за ўдзел у выбарах і мірнай дэманстрацыі пратэсту".

Халіп перакананая, што Аляксандр Лукашэнка "Расправіўся зь ім за ўсё - за тое, што Андрэй быў моцным супэрнікам, за тое, што мае досьвед дзяржаўнай службы, за тое, што, сыдучы ў адстаўку з пасады намесьніка міністра замежных спраў у рангу надзвычайнага і паўнамоцнага амбасадара застаўся значнай постацьцю ў палітыцы".

Ірына Халіп спадзяецца на жаночую і матчыну салідарнасьць. Яна просіць Сьвятлану Мядзьведзеву і Людмілу Пуціну "пераканаць сваіх мужоў" выкарыстаць іх магчымасьці, каб "не дапусьціць фізычнага зьнішчэньня" Саньнікава, вызваліць яго ды іншых "беларускіх палітвязьняў", перадае Інтэрфакс.

Паказаць камэнтары

XS
SM
MD
LG