2 кастрычніка ў Гомелі прэзэнтавалі “Лятучы ўнівэрсытэт” – дыскусійную пляцоўку, куды для публічных лекцыяў запрашаюцца грамадзкія й культурныя дзеячы, навукоўцы і інтэлектуалы.
Падобныя пляцоўкі ўжо дзейнічаюць у Менску й Магілеве. На чарзе – Берасьце.
Аўтар ідэі Ўнівэрсытэту беларускі мэтадоляг і палітоляг Уладзімер Мацкевіч, у сваім выступе зазначыў, што цяперашнія навучальныя ўстановы з шыльдамі ўнівэрсытэтаў – гэта, па сутнасьці, прафтэхвучэльні, дзе рыхтуюць кадры той ці іншай спэцыяльнасьці. У сапраўдным унівэрсытэце культывуецца й разьвіваецца мысьленьне, набываецца сучасная эўрапэйская адукацыя, рыхтуецца новая нацыянальная эліта, якая гатовая ўзяць на сябе адказнасьць за разьвіцьцё краіны.
У прэзэнтацыі бралі ўдзел маладыя гомельскія навукоўцы, грамадзкія актывісты, студэнты.
Са словаў каардынатара Тацяны Вадалажскай, у праграме “Лятучага ўнівэрсытэту” каля паўтара дзясятка курсаў, у тым ліку пра сыстэмны падыход, тэхналёгіі праектаваньня будучыні, культурную палітыку, арганізацыю дасьледаваньняў і вымярэньняў.
Партнэрамі праграмы “Лятучага ўнівэрсытэту” выступаюць асьветніцкае грамадзкае аб’яднаньне “Фонд імя Льва Сапегм”, Фонд разьвіцьця прававых тэхналёгіяў, Цэнтар эўрапейскай трансфармацыі ды некаторыя іншыя.
З гомельскага боку да прэзэнтацыі ўнівэрсытэту спрычынілася агенцыя рэгіянальнага разьвіцьця “Стратэгічнае мысьленьне”.
Падобныя пляцоўкі ўжо дзейнічаюць у Менску й Магілеве. На чарзе – Берасьце.
Аўтар ідэі Ўнівэрсытэту беларускі мэтадоляг і палітоляг Уладзімер Мацкевіч, у сваім выступе зазначыў, што цяперашнія навучальныя ўстановы з шыльдамі ўнівэрсытэтаў – гэта, па сутнасьці, прафтэхвучэльні, дзе рыхтуюць кадры той ці іншай спэцыяльнасьці. У сапраўдным унівэрсытэце культывуецца й разьвіваецца мысьленьне, набываецца сучасная эўрапэйская адукацыя, рыхтуецца новая нацыянальная эліта, якая гатовая ўзяць на сябе адказнасьць за разьвіцьцё краіны.
У прэзэнтацыі бралі ўдзел маладыя гомельскія навукоўцы, грамадзкія актывісты, студэнты.
Са словаў каардынатара Тацяны Вадалажскай, у праграме “Лятучага ўнівэрсытэту” каля паўтара дзясятка курсаў, у тым ліку пра сыстэмны падыход, тэхналёгіі праектаваньня будучыні, культурную палітыку, арганізацыю дасьледаваньняў і вымярэньняў.
Партнэрамі праграмы “Лятучага ўнівэрсытэту” выступаюць асьветніцкае грамадзкае аб’яднаньне “Фонд імя Льва Сапегм”, Фонд разьвіцьця прававых тэхналёгіяў, Цэнтар эўрапейскай трансфармацыі ды некаторыя іншыя.
З гомельскага боку да прэзэнтацыі ўнівэрсытэту спрычынілася агенцыя рэгіянальнага разьвіцьця “Стратэгічнае мысьленьне”.