Лінкі ўнівэрсальнага доступу

Экс-кандыдат у прэзыдэнты Уладзімер Някляеў камэнтуе вызваленьне зь беларускіх турмаў 11 палітвязьняў.

Някляеў: «Тое, што Лукашэнка вызваляе палітвязьняў, гэта ніякае ня дзіва, бо вызваляе, па сутнасьці, ня ён, сытуацыя. Сытуацыя міжнароднай ізаляцыі, сытуацыя крызысу, кепскае фінансавае і эканамічнае становішча краіны - вось што дыктуе Лукашэнку тыя крокі, якія ён робіць.

Ён, зноў жа, павінен быў бы дзеля таго, каб спрацавала ўсё эфэктыўна, ня цыркацца, як з крэдытамі Расея ў адносінах да Беларусі цыркаецца, па мільярду на зарплату штомесяц даючы -- а адразу вызваліць усіх палітзьняволеных. Гэта дазволіла б яму зрабіць рашучы крок да дыялёгу з Эўразьвязам і, магчыма, вывела б беларускую афіцыйную дэлегацыю на ўдзел у саміце Усходняга партнэрства, адчыніла б шлях да інвэстыцыяў МВФ і гэтак далей.

Але вось ёсьць жа такая шклоўская лукашэнкаўская прынцыповасьць, "я
Саньнікаў, Статкевіч і Вус будуць апошнімі ў гэтым сьпісе.

сказаў, што яны злачынцы, пакараў", і вось цяпер, каб захаваць твар, зрабіць выгляд, што ён вызваляе злачынцаў -- паступова гэта робіць. Я нічога іншага не чакаў, мы прагназавалі, што менавіта так будуць вызваляцца палітзьняволеныя.

І вызваліць ён урэшце усіх, уключна з асноўнымі фігурантамі. Але канечне, Саньнікаў, Статкевіч і Вус будуць апошнімі ў гэтым сьпісе. Адносінаў маіх да рэжыму і да Лукашэнкі гэта ніяк не мяняе, таму што ён не дэманструе разуменьня катастрафічнага стану Беларусі, а дэманструе толькі хітрыкі свае бясконцыя, напаўмеры, напаўкрокі, якімі ён увесь час карыстаецца».

Паказаць камэнтары

XS
SM
MD
LG