Лінкі ўнівэрсальнага доступу

Абяцанага бясплатнага праезду студэнты мусяць чакаць да 1 кастрычніка


Бясплатны праезд для навучэнцаў дзённай формы пачне дзейнічаць ад пачатку наступнага месяца, перадае БелТА.

12 верасьня старшыня Менгарвыканкаму Мікалай Ладуцька паведаміў, што рашэньне прынятае і ўжо дзейнічае. Аднак і 12-га, і 13-га верасьня ў грамадзкім транспарце па-ранейшаму патрабуюць ва ўсіх студэнтаў плату за праезд.

Аляксандар Лукашэнка 10 верасьня даручыў Менгарвыканкаму разгледзець магчымасьць скасаваць для студэнтаў плату за праезд у гарадзкім грамадзкім транспарце.

Выдаткі будуць пакрывацца за кошт бюджэтных датацыяў на працу грамадзкага транспарту.

На дзённых аддзяленьнях ВНУ Менску вучыцца каля 120 тысяч студэнтаў.
XS
SM
MD
LG